മുഖ്യമന്ത്രി വരുന്നു.., തൊടുപുഴയിൽ യൂത്ത് കോണ്ഗ്രസ് പ്രവർത്തകർ കരുതൽ തടങ്കലിൽ
Sunday, December 10, 2023 7:33 PM IST
തൊടുപുഴ: നവകേരള സദസിൽ പങ്കെടുക്കാൻ മുഖ്യമന്ത്രി പിണറായി വിജയൻ എത്തുന്നതിനു മുന്നോടിയായി തൊടുപുഴയിൽ യൂത്ത് കോണ്ഗ്രസ്, കെഎസ്യു പ്രവർത്തകർ കരുതൽ തടങ്കലിൽ.
യൂത്ത് കോണ്ഗ്രസ് ജില്ലാ പ്രസിഡന്റ് ഫ്രാൻസിസ് ദേവസ്യ, ജില്ലാ ജനറൽ സെക്രട്ടറി ടി.എസ്. ഫൈസൽ, ഷാനു ഷാഹുൽ, എബി മുണ്ടക്കൽ, കെഎസ്യു സംസ്ഥാന കമ്മിറ്റി അംഗം ജോസ്ക്കുട്ടി ജോസഫ്, അഭിലാഷ് കരിങ്കുന്നം എന്നിവരെയാണ് കരുതൽ തടങ്കലിൽ പാർപ്പിച്ചിരിക്കുന്നത്.
അതേസമയം ഇന്ന് പെരുന്പാവൂരിൽ മുഖ്യമന്ത്രിയെ കരിങ്കൊടി കാണിച്ച യൂത്ത് കോണ്ഗ്രസ്, കെഎസ്യു പ്രവർത്തകരെ ഡിവൈഎഫ്ഐ പ്രവർത്തകർ മർദ്ദിച്ചു.
എൽദോസ് കുന്നപ്പിള്ളി എംഎൽഎയ്ക്കുനേരെയും കൈയേറ്റം ഉണ്ടായി. ഡിവൈഎഫ്ഐ പ്രവർത്തകരാണ് എൽദോസ് കുന്നപ്പിള്ളിയെ ആക്രമിച്ചത്.