അക്ബറുദ്ദീന് ഒവൈസി തെലുങ്കാന പ്രോടെം സ്പീക്കര്; സത്യപ്രതിജ്ഞാചടങ്ങ് ബഹിഷ്കരിച്ച് ബിജെപി എംഎല്മാര്
Saturday, December 9, 2023 12:24 PM IST
ഹൈദരാബാദ്: നിയമസഭയിലെ മുതിര്ന്ന അംഗമായ അക്ബറുദ്ദീന് ഒവൈസി തെലുങ്കാന പ്രോടെം സ്പീക്കറായി ചുമതലയേറ്റു. ഓള് ഇന്ത്യ മജിലിസെ ഇത്തിഹാദുല് മുസ്ലിമീന്റെ (എഐഎംഐഎം) എംഎല്എയാണ് അക്ബറുദ്ദീന്.
എന്നാല് ബിജെപി എംഎല്മാര് സത്യപ്രതിജ്ഞാചടങ്ങ് ബഹിഷ്കരിച്ചു. ഹിന്ദു വിരുദ്ധ പരാമര്ശങ്ങള് നടത്തിയിട്ടുള്ള അക്ബറുദ്ദീന്റെ മുമ്പില് സത്യപ്രതിജ്ഞ ചെയ്യാനാവില്ലെന്ന് ബിജെപി അംഗം രാജാസിംഗ് പ്രതികരിച്ചിരുന്നു. മുഖ്യമന്ത്രി രേവന്ത് റെഡ്ഡിയുടെ ന്യൂനപക്ഷ പ്രീണനത്തിന്റെ ഭാഗമായാണ് അക്ബറുദ്ദീനെ പ്രോടെം സ്പീക്കറാക്കിയതെന്നും അദ്ദേഹം വിമര്ശിച്ചു.
ഇതിന് പിന്നാലെ ചടങ്ങില്നിന്ന് വിട്ട് നില്ക്കാന് ബിജെപി തീരുമാനിക്കുകയായിരുന്നു. ബിജെപിയുടെ എട്ട് അംഗങ്ങളും ചടങ്ങില്നിന്ന് വിട്ടുനിന്നു. സ്ഥിരം സ്പീക്കറെ നിയമിച്ചശേഷം മാത്രം സത്യപ്രതിജ്ഞ ചെയ്താല് മതിയെന്ന നിലപാടിലാണ് ബിജെപി.