ഐഎസ് കേസ്: മഹാരാഷ്ട്രയിലും കർണാടകയിലും തീവ്രവാദ വിരുദ്ധ റെയ്ഡുകൾ; നിരവധി പേർ കസ്റ്റഡിയിൽ
Saturday, December 9, 2023 10:24 AM IST
ന്യൂഡൽഹി: ഐഎസ് കേസുമായി ബന്ധപ്പെട്ട് മഹാരാഷ്ട്രയിലെ 40 സ്ഥലങ്ങളിൽ എൻഐഎ റെയ്ഡ്. കേസുമായി ബന്ധപ്പെട്ട് 13 പേരെ അറസ്റ്റ് ചെയ്തു. കർണാടകയിലെ മറ്റൊരു സ്ഥലത്തും ദേശീയ അന്വേഷണ ഏജൻസി റെയ്ഡ് നടത്തി.
താനെ, പൂന, മീരാ ഭയന്ദർ എന്നിവയുൾപ്പെടെ മഹാരാഷ്ട്രയിലെ 40 വ്യത്യസ്ത സ്ഥലങ്ങളിലാണ് ശനിയാഴ്ച രാവിലെ റെയ്ഡ് നടന്നത്. താനെ റൂറൽ മേഖലയിൽ 31 ഇടത്തും താനെ നഗരത്തിൽ ഒമ്പതിടത്തുമാണ് റെയ്ഡ്.
സ്ഫോടകവസ്തുക്കൾ നിർമിക്കുന്നതിൽ ഉൾപ്പെട്ടതായി ആരോപിക്കപ്പെടുന്ന ആകിഫ് അതീഖ് നാച്ചൻ കഴിഞ്ഞ ഓഗസ്റ്റിൽ അറസ്റ്റിലായിരുന്നു, കേസിൽ ഇതുവരെ അറസ്റ്റിലായ ആറാമനാണ് ഇയാൾ.
മുംബൈയിൽ നിന്നുള്ള തബിഷ് നാസർ സിദ്ദിഖി, പൂനെയിൽ നിന്നുള്ള സുബൈർ നൂർ മുഹമ്മദ് ഷെയ്ഖ് എന്ന അബു നുസൈബ, അദ്നാൻ സർക്കാർ, താനെയിൽ നിന്നുള്ള ഷർജീൽ ഷെയ്ഖ്, സുൽഫിക്കർ അലി ബറോദാവാല എന്നിവരെ കഴിഞ്ഞ മാസം ഏജൻസി അറസ്റ്റ് ചെയ്തിരുന്നു.