ജിയോ ബേബിക്ക് ഐക്യദാർഢ്യം; എസ്എഫ്ഐയുടെ സംസ്കാരിക കൂട്ടായ്മ ഇന്ന്
Thursday, December 7, 2023 7:38 AM IST
കോഴിക്കോട്: സംവിധായകൻ ജിയോ ബേബിയെ ഫാറൂഖ് കോളജിലെ പരിപാടിക്ക് ക്ഷണിച്ച ശേഷം വിലക്കിയ സംഭവത്തിൽ പ്രതിഷേധിച്ച് എസ്എഫ്ഐയുടെ നേതൃത്വത്തിൽ സംസ്കാരിക കൂട്ടായ്മ ഇന്ന് നടക്കും.
വൈകിട്ട് മൂന്നിന് കോളജിന് മുന്നിൽ എസ്എഫ്ഐ യൂണിറ്റ് കമ്മിറ്റിയുടെ നേതൃത്വത്തിലാണ് പരിപാടി. ജിയോ ബേബിക്ക് ഐക്യദാർഢ്യം പ്രഖ്യാപിച്ചാണ് എസ്എഫ്ഐ പരിപാടി സംഘടിപ്പിക്കുന്നത്.
അതേസമയം, വെള്ളിയാഴ്ച എസ്എഫ്ഐ യൂണിയൻ മടപ്പള്ളി കോളജിൽ സംഘടിപ്പിക്കുന്ന മാച്ചിനാരി ഫെസ്റ്റിൽ ജിയോ ബേബി പങ്കെടുക്കുമെന്ന് എസ്എഫ്ഐ സംസ്ഥാന സെക്രട്ടറി പിഎം. ആർഷോ അറിയിച്ചു.