Latest News
"ഇത് രണ്ടാംജന്മം': വെ​ന്‍റി​ലേ​റ്റ​റി​ൽ‌ നി​ന്നു ജീ​വി​ത​ത്തി​ലേ​ക്ക് ഷേ​ബ​യും ഗീ​താ​ഞ്ജ​ലിയും
"ഇത് രണ്ടാംജന്മം': വെ​ന്‍റി​ലേ​റ്റ​റി​ൽ‌ നി​ന്നു ജീ​വി​ത​ത്തി​ലേ​ക്ക് ഷേ​ബ​യും ഗീ​താ​ഞ്ജ​ലിയും
Wednesday, December 6, 2023 3:35 PM IST
കൊ​ച്ചി: കു​സാ​റ്റ് അ​പ​ക​ട​ത്തി​ൽ ഗു​രു​ത​ര​പ​രി​ക്കേ​റ്റ് ആശുപത്രിയിൽ കഴിഞ്ഞിരുന്ന രണ്ടു വിദ്യാർഥികൾ ജീവിതത്തിലേക്ക് മടങ്ങിയെത്തി. ഗുരുതരാവസ്ഥയിൽ വെ​ന്‍റി​ലേ​റ്റ​റി​ൽ ക​ഴി​ഞ്ഞി​രു​ന്ന മ​ല​പ്പു​റം സ്വ​ദേ​ശി ഷേ​ബ, ആ​ല​പ്പു​ഴ സ്വ​ദേ​ശി ഗീ​താ​ഞ്ജ​ലി വി​നോ​ദ് എ​ന്നി​വ​രാ​ണ് ആരോഗ്യം വീണ്ടെടുത്ത് ആ​ശു​പ​ത്രി വി​ട്ട​ത്. എ​റ​ണാ​കു​ളം ജി​ല്ലാ​ക​ള​ക്ട​ർ എ​ൻ.​എ​സ്.​കെ. ഉ​മേ​ഷും മെ​ഡി​ക്ക​ൽ സം​ഘ​വും ഇ​രു​വ​ർ​ക്കും ആ​ശം​സ നേ​രാ​നെ​ത്തി​യി​രു​ന്നു.

ക​ഴി​ഞ്ഞ​മാ​സം 25ന് ​കു​സാ​റ്റി​ലെ ടെ​ക്ഫെ​സ്റ്റി​നി​ടെ​യു​ണ്ടാ​യ തി​ക്കി​ലും തി​ര​ക്കി​ലും​പെ​ട്ടാ​യി​രു​ന്നു അ​ങ്ക​മാ​ലി എ​സ്‌​യു​എം​എ​സ് കോ​ള​ജി​ലെ വി​ദ്യാ​ർ​ഥി​നി​യാ​യ ഷേ​ബ​യ്ക്കും കു​സാ​റ്റി​ലെ മൂ​ന്നാം സെ​മ​സ്റ്റ​ർ ഇ​ല​ക്ട്രോ​ണി​ക്സ് വി​ദ്യാ​ർ​ഥി​നി​യാ​യ ഗീ​താ​ഞ്ജ​ലി​ക്കും പ​രി​ക്കേ​റ്റ​ത്. തിക്കിലും തിരക്കിലുംപെട്ട് ചവിട്ടേറ്റ് ശ്വാ​സ​കോ​ശ​ത്തി​നും ക​ര​ളി​നും ത​ല​ച്ചോ​റി​നും ഇ​ടു​പ്പെ​ല്ലി​നു​മാ​ണ് ഇ​രു​വ​ർ​ക്കും ഗു​രു​ത​ര​പ​രി​ക്കേ​റ്റ​ത്. ആ​രോ​ഗ്യം പൂ​ർ​ണ​മാ​യും വീ​ണ്ടെ​ടു​ക്കു​ന്ന​തി​ന് ഇ​രു​വ​ർ​ക്കും തു​ട​ർ​ചി​കി​ത്സ വേ​ണം.


പ​ത്തു​ദി​വ​സ​ത്തെ ആ​ശു​പ​ത്രി​വാ​സ​ത്തി​നൊ​ടു​വി​ലാ​ണ് ഇ​രു​വ​രും പു​റ​ത്തി​റ​ങ്ങി​യ​ത്. തി​രി​കെ ലോ​കം കാ​ണു​ന്ന​ത് പു​ന​ർ​ജ​ന്മ​മാ​ണെ​ന്ന് ഇ​രു​വ​രും പ്ര​തി​ക​രി​ച്ചു.

അ​ന്ന് ഒ​രു ശി​ല്പ​ശാ​ല​യി​ൽ പ​ങ്കെ​ടു​ക്കാ​നാ​ണ് പോ​യ​തെ​ന്നും അ​പ്ര​തീ​ക്ഷി​ത അ​പ​ക​ട​ത്തി​നു ശേ​ഷം എ​ന്താ​ണ് സം​ഭ​വി​ച്ച​തെ​ന്ന് ഇ​പ്പോ​ൾ ഓ​ർ​മ​യി​ല്ലെ​ന്നും ഷേ​ബ പ​റ​ഞ്ഞു. ത​നി​ക്ക് ശ​രി​ക്കു​മൊ​രു പു​ന​ർ​ജ​ന്മം പോ​ലെ​യാ​ണ് തോ​ന്നു​ന്ന​തെ​ന്നാ​ണ് ഗീ​താ​ഞ്ജ​ലി പ്ര​തി​ക​രി​ച്ച​ത്. ആ​ശു​പ​ത്രി​ക്കും ഡോ​ക്ട​ർ​മാ​ർ​ക്കും ന​ന്ദി​പ​റ​ഞ്ഞ ഗീ​താ​ഞ്ജ​ലി കൂ​ട്ടു​കാ​രി സാ​റ തോ​മ​സി​ന്‍റെ മ​ര​ണ​ത്തി​ലെ വി​ഷ​മ​വും പ​ങ്കു​വ​ച്ചു.

ദു​ര​ന്ത​ത്തെ അ​തി​ജീ​വി​ച്ച​വ​ർ​ക്ക് മാ​ന​സി​ക​പി​ന്തു​ണ ന​ല്കി മാ​താ​പി​താ​ക്ക​ളും അ​ധ്യാ​പ​ക​രും സ​ഹ​പാ​ഠി​ക​ളും എ​ന്നു​മു​ണ്ടാ​ക​ണ​മെ​ന്ന് ക​ള​ക്ട​ർ എ​ൻ.​എ​സ്.​കെ. ഉ​മേ​ഷ് പ​റ​ഞ്ഞു.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.