കനത്ത പോലീസ് സുരക്ഷയിലും മുഖ്യന് നേരേ കരിങ്കൊടി; യൂത്ത് കോണ്ഗ്രസ് പ്രവര്ത്തകര് കസ്റ്റഡിയില്
Tuesday, December 5, 2023 12:25 PM IST
തൃശൂര്: മുഖ്യമന്ത്രി പിണറായി വിജയനെതിരേ ഇന്നും കരിങ്കൊടി പ്രതിഷേധം. തൃശൂര് രാമനിലയത്തില്നിന്ന് നവകേരള സദസിന്റെ മണലൂര് മണ്ഡലത്തിലെ വേദിയിലേക്ക് മുഖ്യമന്ത്രിയും മന്ത്രിമാരും പുറപ്പെടാനിരിക്കെയാണ് യൂത്ത് കോണ്ഗ്രസ് പ്രവര്ത്തകര് പ്രതിഷേധവുമായി രംഗത്തെത്തിയത്.
രാമനിലയത്തിന്റെ ഗേറ്റിന് അടുത്തേയ്ക്ക് എത്തിയാണ് പ്രവര്ത്തകര് കരിങ്കൊടി കാട്ടിയത്. പോലീസിന്റെ കനത്ത സുരക്ഷാവലയം ഉണ്ടായിരുന്ന പ്രദേശത്ത് എത്തിയായിരുന്നു പ്രതിഷേധം. പിന്നാലെ ഇവരെ ഇവിടെനിന്ന് ബലം പ്രയോഗിച്ച് കസ്റ്റഡിയിലെടുത്ത് നീക്കി.
പ്രതിഷേധിക്കാനായി പലയിടങ്ങളില് കാത്ത് നിന്ന പ്രവര്ത്തരെ പോലീസ് നേരത്തേ കസ്റ്റഡിയിലെടുത്തിരുന്നു. ഇതിനിടെയാണ് രാമനിലയത്തിന് സമീപം അപ്രതീക്ഷിതമായ പ്രതിഷേധം ഉണ്ടായത്.
നവകേരള സദസ് ആരംഭിച്ചതിന് ശേഷം മുഖ്യമന്ത്രിക്കെതിരേ ഏറ്റവും ശക്തമായ പ്രതിഷേധം ഉയര്ന്നത് തൃശൂര് ജില്ലയിലാണ്. തിങ്കളാഴ്ച മാത്രം എട്ട് സ്ഥലങ്ങളിലാണ് മുഖ്യമന്ത്രിക്ക് നേരേ കരിങ്കൊടി പ്രതിഷേധം ഉണ്ടായത്.