ജമ്മു കാഷ്മീരിലെ എട്ടിടങ്ങളില് എന്ഐഎ റെയ്ഡ്
Tuesday, December 5, 2023 11:12 AM IST
ശ്രീനഗര്: ഭീകരസംഘടനകള്ക്ക് സാമ്പത്തിക സഹായം നല്കുന്നതുമായി ബന്ധപ്പെട്ട കേസില് ജമ്മു കാഷ്മീരില് വ്യാപക എന്ഐഎ റെയ്ഡ്. കാഷ്മീരിലെ ഏഴ് ഇടങ്ങളിലും ജമ്മുവിലെ ഒരു സ്ഥലത്തുമാണ് റെയ്ഡ് തുടരുന്നത്.
ജമ്മു കാഷ്മീര് പോലീസുമായി ചേര്ന്നാണ് പരിശോധന. പ്രദേശവാസികളുടെ വീടുകളും സംശയിക്കപ്പെടുന്നവര് ഒളിച്ചിരിക്കാന് സാധ്യതയുള്ള മറ്റ് സ്ഥലങ്ങളിലുമാണ് റെയ്ഡ് നടക്കുന്നത്.
പാക്കിസ്ഥാനില്നിന്ന് കാഷ്മീര് വഴി ഡ്രോണുകള് അടക്കം എത്തിച്ചു നൽകുന്ന ഒരാള് കഴിഞ്ഞ ദിവസം പിടിയിലായിരുന്നു. ഇതിന് പിന്നാലെയാണ് എന്ഐഎ പരിശോധന ശക്തമാക്കിയത്.
അടുത്തയിടെ നടന്ന ഭീകരാക്രമണങ്ങളും സൈനികര്ക്ക് നേരെയുണ്ടായ അക്രമങ്ങളും എന്ഐഎ അന്വേഷണത്തിന്റെ പരിധിയില് ഉള്പ്പെടും.