വായ്പ തിരിച്ചടച്ചില്ല; ഹീര ഗ്രൂപ്പ് എംഡി അറസ്റ്റില്
Tuesday, December 5, 2023 9:22 AM IST
കൊച്ചി:ഹീര ഗ്രൂപ്പ് എംഡി അബ്ദുള് റഷീദിനെ എന്ഫോഴ്സ്മെന്റ് ഡയറക്ട്രേറ്റ് അറസ്റ്റ് ചെയ്തു. എസ്ബിഐയില് നിന്ന് 14 കോടി രൂപ വായ്പ എടുത്ത് വഞ്ചിച്ചെന്ന കേസിലാണ് അറസ്റ്റ്.
കൊച്ചി ഇഡി യൂണിറ്റാണ് അറസ്റ്റ് രേഖപ്പെടുത്തിയത്. ഇന്ന് രണ്ടിന് ഇയാളെ കോടതിയില് ഹാജരാക്കും.ആക്കുളത്തെ ഫ്ലാറ്റ് സമുച്ചയ നിര്മാണത്തിനാണ് ഹീര ഗ്രൂപ്പ വായ്പ എടുത്തത്.
ഫ്ലാറ്റുകള് വിറ്റുപോയെങ്കിലും വായ്പ തിരിച്ചടച്ചിരുന്നില്ല. 12 കോടി രൂപയുടെ നഷ്ടമുണ്ടായെന്ന എസ്ബിഐയുടെ പരാതിയില് നേരത്തേ സിബിഐ കേസ് രജിസ്റ്റര് ചെയ്തിരുന്നു.
ഇതിന് പിന്നാലെയാണ് സംഭവത്തില് ഇഡി അന്വേഷണം ആരംഭിച്ചത്. കേസുമായി ബന്ധപ്പെട്ട് ഫെബ്രുവരിയില് തിരുവനന്തപുരത്തെ മൂന്നിടത്ത് ഇഡി റെയ്ഡ് നടത്തിയിരുന്നു. കൂടുതല് ആളുകളുടെ പങ്ക് സംബന്ധിച്ചും ഇഡി അന്വേഷണം നടത്തുന്നുണ്ട്.