മാ​ന്നാ​ർ: ഭ​ർ​ത്താ​വ് ക്രൂ​ര​മാ​യി മ​ർ​ദി​ക്കു​ന്നു​വെ​ന്ന് ഭാര്യ പോ​ലീ​സി​ൽ വി​ളി​ച്ച് പ​റ​ഞ്ഞ​തി​നെ തു​ട​ർ​ന്ന് അ​ന്വേ​ഷി​ക്കാ​നെ​ത്തി​യ പോ​ലീ​സു​കാ​ര​നെ ച​പ്പാ​ത്തി​ക്കോ​ലി​ന് അ​ടി​ച്ചു പ​രി​ക്കേ​ൽ​പ്പി​ച്ച യു​വാ​വ് അ​റ​സ്റ്റി​ൽ.

ബു​ധ​നു​ർ എ​ണ്ണ​ക്കാ​ട് പൈ​വ​ള്ളി തോ​പ്പി​ൽ രു​ധി​മോ​ൻ (40) ആ​ണ് ച​പ്പാ​ത്തിക്കോൽ കൊ​ണ്ട് പോ​ലീ​സു​കാ​ര​ന്‍റെ ത​ലയ്​ക്ക​ടി​ച്ചു പ​രി​ക്കേ​ൽ​പി​ച്ച​ത്. ഇ​യാ​ളു​ടെ മ​ർ​ദ​ന​ത്തി​ൽ പ​രി​ക്കേ​റ്റ മാ​ന്നാ​ർ പോ​ലീ​സ് സ്റ്റേ​ഷ​നി​ലെ സീ​നി​യ​ർ സി​വി​ൽ പോ​ലീ​സ് ഓ​ഫി​സ​ർ ദി​നീ​ഷ്ബാ​ബു​വി​നെ(48) ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഞാ​യ​റാ​ഴ്ച രാ​ത്രി​യാ​ണ് സം​ഭ​വം. രു​ധി​മോ​ൻ മാ​ര​കാ​യു​ധ​ങ്ങ​ളു​മാ​യി ആ​ക്ര​മി​ക്കാ​ൻ ശ്ര​മി​ക്കു​ന്നു​വെ​ന്ന് ഭാ​ര്യ​യും അ​മ്മ​യും ചേ​ർ​ന്നാ​ണ് 112ൽ ​വി​ളി​ച്ച് പ​രാ​തി പ​റ​ഞ്ഞ​ത്. ഇ​ത് അ​ന്വേ​ഷി​ക്കാ​നാ​ണ് എ​സ്ഐ സ​ജി​കു​മാ​റും ദി​നീ​ഷ് ബാ​ബു​വും ഉ​ൾ​പ്പ​ടെ​യു​ള്ള സം​ഘം സ്ഥ​ല​ത്തെ​ത്തി​യ​ത്.

ഈ ​സ​മ​യം വെ​ട്ടു​ക​ത്തി​യു​മാ​യി നി​ൽ​ക്കു​ക​യാ​യി​രു​ന്നു രു​ധി​മോ​ൻ. മ​ദ്യ​ല​ഹ​രി​യി​ലാ​യി​രു​ന്ന ഇ​യാ​ളെ അ​നു​ന​യി​പ്പി​ച്ച് പോ​ലീ​സു​കാ​ർ ക​ത്തി വാ​ങ്ങി. തു​ട​ർ​ന്ന് വ​സ്ത്രം മാ​റി​വ​രാ​നാ​യി വീ​ടി​നു​ള്ളി​ലേ​ക്ക് ക​യ​റി​യ യു​വാ​വ് ച​പ്പാ​ത്തിക്കോലുമായി എ​ത്തി പോ​ലീ​സു​കാ​ര​ന്‍റെ ത​ല​യ്ക്ക് അ​ടി​ക്കു​ക​യാ​യി​രു​ന്നു.

തു​ട​ർ​ന്ന് ദി​നീ​ഷ്ബാ​ബു​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ശേ​ഷം എ​സ്എ​ച്ച്ഒ ജോ​സ് മാ​ത്യു​വി​ന്‍റെ നേ​തൃ​ത്വ​ത്തി​ലെ​ത്തി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്.