താനൂരിൽ വയോധികന്റെ മൃതദേഹം കിണറ്റിൽ ജീർണിച്ച നിലയിൽ
Monday, December 4, 2023 5:21 PM IST
മലപ്പുറം: താനൂരിൽ വയോധികനെ കിണറ്റിൽ മരിച്ച നിലയിൽ കണ്ടെത്തി. നിറമരുതൂർ സ്വദേശി സൈദലവി ആണ് മരിച്ചത്.
മങ്ങാട് കുമാരൻപടിയിൽ സ്വകാര്യ വ്യക്തിയുടെ കിണറ്റിൽ കമിഴ്ന്ന് കിടക്കുന്ന നിലയിലായിരുന്നു മൃതദേഹം. മൂന്ന് ദിവസം പഴക്കം തോന്നിക്കുന്ന മൃതദേഹം ജീർണ്ണിച്ച അവസ്ഥയിലാണ്.
സ്ഥലത്ത് പോലീസ് എത്തി പരിശോധന നടത്തി. ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.