മധ്യപ്രദേശില് ബിജെപി മുന്നിൽ
Sunday, December 3, 2023 8:48 AM IST
ഭോപ്പാല്: മധ്യപ്രദേശ് നിയമസഭാ തെരഞ്ഞെടുപ്പില് പോസ്റ്റല് വോട്ടുകള് എണ്ണുന്നത് തുടരുന്നു. നിലവില് 80 സീറ്റിൽ ബിജെപി മുന്നിലാണ്. 62 സീറ്റുകളിൽ കോൺഗ്രസ് ലീഡ് ചെയ്യുന്നുണ്ട്.
നേരത്തേ കോൺഗ്രസ് 10 സീറ്റുകൾക്ക് മുന്നിലായിരുന്നെങ്കിലും പിന്നീട് ലീഡ് നില മാറി മാറിമറിയുകയായിരുന്നു. ആകെ 230 നിയമസഭാ മണ്ഡലങ്ങളിലേക്കാണ് സംസ്ഥാനത്ത് വോട്ടെടുപ്പ് നടന്നത്. നിലവിൽ ശിവരാജ് സിംഗ് ചൗഹാന്റെ നേതൃത്വത്തിലുള്ള ബിജെപി സർക്കാരാണ് മധ്യപ്രദേശിൽ ഭരണത്തിലുള്ളത്.
മധ്യപ്രദേശ് അടക്കം നാല് സംസ്ഥാനങ്ങളിലെ തെരഞ്ഞെടുപ്പ് ഫലമാണ് ഇന്ന് ഉച്ചയോടെ അറിയാനാകുക. എക്സിറ്റ് പോള് ഫലമനുസരിച്ച് തെലുങ്കാനയിലും ഛത്തീസ്ഗഡിലും കോണ്ഗ്രസിനാണ് മുന്തൂക്കം. മധ്യപ്രദേശിലും രാജസ്ഥാനിലും ബിജെപിയ്ക്കാണ് മുന്തൂക്കമെന്നും എക്സിറ്റ് പോള് ഫലങ്ങള് ചൂണ്ടിക്കാട്ടുന്നു.