പാലായിൽ ശബരിമല തീർഥാടകരുടെ വാഹനം അപകടത്തിൽപെട്ടു; മൂന്നുപേർക്ക് പരിക്ക്
Saturday, December 2, 2023 6:33 PM IST
പാലാ: രാമപുരം റോഡിൽ മുണ്ടുപാലത്ത് ശബരിമല തീർഥാടകർ സഞ്ചരിച്ച ഇന്നോവ കാറും ഓട്ടോറിക്ഷയും കൂട്ടിയിടിച്ചു. അപകടത്തിൽ ഓട്ടോറിക്ഷ യാത്രക്കാരായ മൂന്നുപേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു.
ശബരിമലയിൽ ദർശനത്തിന് ശേഷം മടങ്ങുകയായിരുന്ന കോതമംഗലം സ്വദേശികൾ സഞ്ചരിച്ച വാഹനമാണ് അപകടത്തിൽപെട്ടത്. ഡ്രൈവർ ഉറങ്ങിപ്പോയതാണ് അപകടകാരണം.
പോലീസും, ഫയർഫോഴ്സും എത്തി ഓട്ടോറിക്ഷ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്. അപകടത്തിൽ ഓട്ടോയുടെ മുൻഭാഗം പൂർണമായും തകർന്നു.