കുട്ടിയെ ആശ്രാമം മൈതാനത്ത് ഉപേക്ഷിച്ചത് പത്മകുമാറിന്റെ ഭാര്യ
Saturday, December 2, 2023 1:24 PM IST
കൊല്ലം: തട്ടിക്കൊണ്ടുപോയ കുട്ടിയെ ആശ്രാമം മൈതാനത്ത് ഉപേക്ഷിച്ചത് പത്മകുമാറിന്റെ ഭാര്യ അനിതയെന്ന് പോലീസ് സ്ഥിരീകരണം. നീലക്കാറിൽ പത്മകുമാറും ഭാര്യയും കുട്ടിയുമായി കൊല്ലം നഗരത്തിൽ എത്തി.
കെഎസ്ആർടിസി സ്റ്റാൻഡിന് സമീപത്തെ ലിങ്ക് റോസിൽ കാർ നിർത്തി ഭാര്യയെയും കുട്ടിയെയും ഇറക്കിയശേഷം പത്മകുമാർ സമീപത്തെ ജ്യൂസ് കടയ്ക്ക് അടുത്ത് കാത്തുനിന്നു.
ഇതിനിടയിൽ അനിത കുട്ടിയുമായി ഓട്ടോറിക്ഷയിൽ കയറി ആശ്രാമം മൈതാനിയിൽ എത്തി. അവിടെ പാർക്കിലെ ബെഞ്ചിൽ കുട്ടിയെ ഇരുത്തിയശേഷം കടന്നു. പിന്നീട് മറ്റൊരു ഓട്ടോയിൽ കയറി കാറിന് സമീപമെത്തി.
തുടർന്ന് ഇരുവരും കാറിൽ നഗരത്തിലെ ഷോപ്പിംഗ് കോംപ്ലക്സിലെ ബേക്കറിയിൽ കയറി. കുട്ടിയെ ഉപക്ഷിച്ച വിവരം അവിടുത്തെ ടിവിയിൽ വാർത്തയായി കേട്ടതോടെ ഇരുവരും തിരികെപോകുകയായിരുന്നു.