പിടികൂടിയത് തെങ്കാശിയിലെ ഹോട്ടലിൽ നിന്ന്; പ്രതിരോധമില്ലാതെ കീഴടങ്ങി
Friday, December 1, 2023 6:31 PM IST
കൊല്ലം: ഓയൂരിൽ ആറു വയസുകാരിയെ തട്ടിക്കൊണ്ടുപോയ കേസിൽ പോലീസ് പിടികൂടിയത് ചാത്തന്നൂർ സ്വദേശികളായ പദ്മകുമാർ, ഭാര്യ അനിത, മകൾ അനുപമ എന്നിവരെ. തെങ്കാശിയിലെ ഹോട്ടലിൽ ഭക്ഷണം കഴിക്കുന്നതിനിടെയാണ് ഇവരെ പോലീസ് പിടികൂടിയത്.
അറസ്റ്റുചെയ്യുന്നതായി കൊല്ലം കമ്മിഷണറുടെ സ്ക്വാഡ് അറിയിച്ചപ്പോൾ ചെറുത്തുനിൽപ്പില്ലാതെ പ്രതികൾ കീഴടങ്ങി. മൊബൈൽ ഫോൺ ഉപയോഗിക്കാത്തതിനാൽ അറസ്റ്റിലാകില്ലെന്ന ആത്മവിശ്വാസത്തിലായിരുന്നു സംഘം.
അടൂർ പോലീസ് ക്യാമ്പിലെത്തിച്ച പ്രതികളെ ഉന്നത പോലീസ് ഉദ്യോഗസ്ഥരെത്തി ചോദ്യം ചെയ്തുവരികയാണ്. ഇവർ സഞ്ചരിച്ച കാറും പോലീസ് കസ്റ്റഡിയിലെടുത്തിട്ടുണ്ട്.