കരുവന്നൂർ ബാങ്ക് കേസുമായി തനിക്ക് ബന്ധമില്ലെന്ന് ഗോകുലം ഗോപാലൻ
Wednesday, November 29, 2023 3:54 PM IST
കൊച്ചി: കരുവന്നൂർ കേസുമായി തനിക്ക് നേരിട്ട് ബന്ധമില്ലെന്നും തന്റെ കസ്റ്റമർ അനിൽകുമാറുമായി ബന്ധപ്പെട്ടാണ് ഇഡി ചോദ്യം ചെയ്യാൻ വിളിപ്പിച്ചതെന്നും വ്യവസായി ഗോകുലം ഗോപാലൻ.
അനിൽ കുമാർ എന്തോ തെറ്റ് ചെയ്തു. അനിൽകുമാറിന്റെ ഡോക്യുമെന്റുകൾ തന്റെ കൈവശമാണ് ഉള്ളതെന്നും ഗോകുലം ഗോപാലൻ പറഞ്ഞു.
ഇന്നു രാവിലെയാണ് ഗോകുലം ഗോപാലനെ ഇഡി കൊച്ചി ഓഫീസിലേക്ക് വിളിച്ചുവരുത്തിയത്. ഡെയ്ലി ഡെപ്പോസിറ്റ് സ്കീമുമായി ബന്ധപ്പെട്ട് നാലുകോടിയുടെ രൂപയുടെ ഇടപാട് അദ്ദേഹത്തിനുണ്ട്. ഇക്കാര്യത്തിൽ വിശദീകരണം തേടിയ ഇഡി രേഖകൾ ഹാജരാക്കാൻ ആവശ്യപ്പെട്ടിരുന്നു.
തുടർച്ചയായി ഇക്കാര്യങ്ങൾ ആവശ്യപ്പെട്ടിട്ടും ഹാജരാക്കാത്തതിനെ തുടർന്നാണ് സമൻസ് അയച്ച് ഗോകുലം ഗോപാലനെ നേരിട്ട് മൊഴിയെടുക്കാൻ വിളിപ്പിച്ചതെന്ന് ഇഡി വ്യക്തമാക്കി.