കരുവന്നൂര് ബാങ്ക് തട്ടിപ്പ്; മുഖ്യപ്രതി സതീഷ് കുമാറിന്റെ ജാമ്യഹര്ജിയില് വിധി ഇന്ന്
Wednesday, November 29, 2023 11:52 AM IST
കൊച്ചി: കരുവന്നൂര് ബാങ്ക് തട്ടിപ്പിലെ കള്ളപ്പണ ഇടപാട് കേസിലെ മുഖ്യപ്രതി സതീഷ് കുമാറിന്റെ ജാമ്യ ഹര്ജിയില് ഇന്ന് വിധി പറയും. സാമ്പത്തിക കുറ്റകൃത്യങ്ങള് പരിഗണിക്കുന്ന കൊച്ചിയിലെ കോടതിയാണ് വിധി പറയുന്നത്.
സതീഷ് കുമാര്, മുന് മന്ത്രി എ.സി മൊയ്തീന്റെ ബെനാമിയാണ് എന്നതടക്കം ഗുരുതര ആരോപണങ്ങള് ജാമ്യഹര്ജിയിലെ വാദത്തിനിടെ ഇഡി കോടതിയില് ഉന്നയിച്ചിരുന്നു. ജാമ്യം നല്കിയാല് കേസ് അട്ടിമറിക്കാന് സാധ്യതയുണ്ടെന്നും അന്വേഷണസംഘം കോടതിയെ അറിയിക്കുകയുണ്ടായി.