കുഞ്ഞിനെ ആശ്രാമത്തെത്തിച്ചത് ഓട്ടോ റിക്ഷയില്, ഡ്രൈവറെ തിരിച്ചറിഞ്ഞു
Tuesday, November 28, 2023 4:00 PM IST
കൊല്ലം: അബിഗേലുമായി തട്ടിക്കൊണ്ടുപോയ സംഘത്തിലെ സ്ത്രീ ആശ്രാമം മൈതാനത്തിന് സമീപമെത്തിയത് ഓട്ടോറിക്ഷയില്. ഇവരെ ഇവിടെയെത്തിച്ച ഓട്ടോ ഡ്രൈവറെ സിസിടിവി ദൃശ്യങ്ങളിൽനിന്ന് തിരിച്ചറിഞ്ഞു.
നഗരപരിധിയില് തന്നെ ഓട്ടം നടത്തുന്ന തൊഴിലാളിയുടെ ഓട്ടോയിലാണ് ഇവര് എത്തിയത്. ഇയാള്ക്ക് തട്ടിക്കൊണ്ടുപോയ സംഘവുമായി ഒരു ബന്ധവുമില്ലെന്നും പോലീസ് അറിയിച്ചു
ഓട്ടോയില് ഇവിടെ എത്തിയ ശേഷം കുഞ്ഞിനെ ഇവിടെ ഇരുത്തിയിട്ട് ഇവര് ഇവിടെ നിന്ന് മടങ്ങുകയായിരുന്നു. ഏത് വാഹനത്തിലാണ് ഇവര് ഇവിടെനിന്ന് മടങ്ങിയതെന്ന് വ്യക്തമായിട്ടില്ല.
മേഖലയില് പോലീസ് പരിശോധന തുടരുകയാണ്.