മാധ്യമങ്ങള് പ്രവര്ത്തിച്ചത് അന്വേഷണത്തെ സഹായിക്കുന്ന വിധത്തില്: കെ.മുരളീധരന്
Tuesday, November 28, 2023 10:38 AM IST
തിരുവനന്തപുരം: ഓയൂരില് ആറ് വയസുകാരി അബിഗേല് സാറാ റെജിയെ തട്ടിക്കൊണ്ട് പോയ സംഭവത്തേക്കുറിച്ചുള്ള റിപ്പോര്ട്ടിംഗില് മാധ്യമങ്ങളെ അഭിനന്ദിച്ച് കോണ്ഗ്രസ് നേതാവ് കെ.മുരളീധരന്.
സംഭവത്തിന്റെ ഗൗരവം സമൂഹത്തെ തിരിച്ചറിയിപ്പിക്കുന്നതില് മാധ്യമങ്ങള് വഹിച്ച പങ്ക് വലുതാണെന്ന് അദ്ദേഹം പ്രതികരിച്ചു. മാധ്യമങ്ങളുടെ ഇടപെടല് ഇല്ലായിരുന്നെങ്കില് ഇത് ഒറ്റപ്പെട്ട സംഭവമായി പോലീസ് കാണുമായിരുന്നു.
അന്വേഷണത്തിന് സഹായകരമാകുന്ന രീതിയിലാണ് മാധ്യമങ്ങള് പ്രവര്ത്തിച്ചതെന്നും അദ്ദേഹം കൂട്ടിച്ചേര്ത്തു.
അതേസമയം തട്ടിക്കൊണ്ടുപോയ അബിഗേലിനായി സംസ്ഥാന വ്യാപകമായി ഊർജിത പരിശോധനയാണ് പോലീസ് നടത്തുന്നത്.
സമീപ ജില്ലകളില്നിന്ന് അടക്കമുള്ള പോലീസ് ഉദ്യോഗസ്ഥര് രാവിലെ പൂയപ്പള്ളിയില് എത്തിയിട്ടുണ്ട്. വിവിധ സംഘങ്ങളായി തിരിഞ്ഞാണ് പോലീസ് അന്വേഷണം.
തിരുവനന്തപുരം റേഞ്ച് ഐജി ഉള്പ്പടെയുള്ള ഉന്നത പോലീസ് ഉദ്യോഗസ്ഥര് പൂയപ്പള്ളി സ്റ്റേഷനില് ക്യാമ്പ് ചെയ്ത് അന്വേഷണ പുരോഗതി വിലയിരുത്തുന്നുണ്ട്. പ്രധാനപ്പെട്ട പല ദൃശ്യങ്ങളും വിവരങ്ങളും പോലീസിന് ലഭിച്ചിട്ടുണ്ടെന്നാണ് ഒടുവില് ലഭിക്കുന്ന വിവരം.