കുട്ടിയെ കണ്ടെത്താൻ പോലീസിനോട് സഹകരിക്കണം; ബിജെപി പ്രവർത്തകരോട് കെ. സുരേന്ദ്രൻ
Monday, November 27, 2023 11:14 PM IST
തിരുവനന്തപുരം: നാലംഗ സംഘം തട്ടിക്കൊണ്ടുപോയ കുട്ടിയെ കണ്ടെത്താൻ കേരളത്തിലെ എല്ലാ ബിജെപി പ്രവർത്തകരും രംഗത്തിറങ്ങണമെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ.
കുട്ടിയെ കണ്ടെത്താൻ കേരള പോലീസിനോട് സഹകരിക്കണമെന്നും അദ്ദേഹം പ്രവർത്തകരോട് ആവശ്യപ്പെട്ടു. സമൂഹമാധ്യമങ്ങളിലൂടെയാണ് അദ്ദേഹം ഇക്കാര്യം ആഹ്വാനം ചെയ്തത്.
ഓയൂർ സ്വദേശി റെജിയുടെ മകൾ അബിഗേൽ സാറ റെജിയെയാണ് തട്ടിക്കൊണ്ട് പോയത്. ഓയൂർ കാറ്റാടിമുക്കിൽ വച്ച് കാറിൽ എത്തിയ സംഘം കുട്ടിയെ തട്ടിക്കൊണ്ട് പോവുകയായിരുന്നു. ഇന്ന് വൈകുന്നേരമായിരുന്നു സംഭവം.