മരട് അനീഷിന്റെ കൂട്ടാളികൾ പിടിയിൽ
Monday, November 27, 2023 10:45 PM IST
കൊച്ചി: കുപ്രസിദ്ധ ഗുണ്ടാത്തലവൻ മരട് അനീഷിന്റെ സംഘാംഗങ്ങൾ അറസ്റ്റിൽ. യുവാവിനെ തട്ടിക്കൊണ്ടു പോയി കവർച്ച ചെയ്ത കേസിലാണ് നടപടി.
ചേർത്തല മായിത്തറയിൽ കൊച്ചുവേലി വീട്ടിൽ അരുൺ പി. ഡോൺ (35), കൊല്ലം തവളക്കര പ്ലാച്ചേരി വടക്കേതിൽ വീട്ടിൽ ബിനു (38) എന്നിവരാണ് പിടിയിലായത്.
പ്രതികളെ പാലക്കാട് നിന്നാണ് പിടികൂടിയത്. ഓപറേഷൻ മരട് എന്ന പേരിൽ കൊച്ചി സിറ്റി പോലീസ് കമ്മീഷണറുടെ നിർദേശാനുസരണം രൂപവത്കരിച്ച പ്രത്യേക അന്വേഷണ സംഘമാണ് ഇവരെ പിടികൂടിയത്.
കഴിഞ്ഞമാസം 30നാണ് നെട്ടൂർ സ്വദേശിയെ വാഹനത്തിൽ തട്ടികൊണ്ടുപോയത്. മൊബൈൽ ഫോണും പണവും കവർച്ച ചെയ്ത് കൊലപ്പെടുത്താനായിരുന്നു മരട് അനീഷിന്റെയും സംഘത്തിന്റെയും ശ്രമം. സംഭവത്തിൽ പനങ്ങാട് പോലീസ് കേസെടുത്തിരുന്നു.