ഒഡീഷയിൽ വന്ദേഭാരതിന് നേരെ കല്ലേറ്
Monday, November 27, 2023 8:34 PM IST
ഭുവനേശ്വർ: റൂർക്കെലാ-ഭുവനേശ്വർ വന്ദേഭാരത് എക്സ്പ്രസിന് നേരെ കല്ലേറ്. ഒഡിഷയിലെ മെരമണ്ടാലി സ്റ്റേഷനും ബുദപാങ്കിനുമിടയിലാണ് കല്ലേറുണ്ടായതെന്ന് പ്രാഥമിക നിഗമനം.
കല്ലേറിൽ എക്സിക്യുട്ടീവ് കോച്ചിന്റെ ജനൽ പാളിക്ക് തകരാർ സംഭവിച്ചിട്ടുണ്ട്. ഞായറാഴ്ച ഡ്യൂട്ടിയിലുണ്ടായിരുന്ന ആർപിഎഫ് എസ്കോർട്ടിംഗ് സ്റ്റാഫാണ് ആക്രമണം റിപ്പോർട്ട് ചെയ്തത്.
സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. കുറ്റവാളികൾക്കെതിരെ കടുത്ത നടപടികൾ ഉണ്ടാകുമെന്നും പോലീസ് അറിയിച്ചു. മുൻപും രാജ്യത്തിന്റെ പല കോണുകളിൽ നിന്ന് വന്ദേഭാരത് എക്സ്പ്രസിനു നേരെ ആക്രമണം ഉണ്ടായിട്ടുണ്ടെന്ന് റെയിൽവേ അധികൃതർ അറിയിച്ചു.