ജ​യ്പു​ര്‍: രാ​ജ​സ്ഥാ​നി​ല്‍ വോ​ട്ടിം​ഗ് പുരോഗമിക്കുന്നു. 199 സീ​റ്റു​ക​ളി​ലേ​ക്കു​ള്ള തെ​ര​ഞ്ഞെ​ടു​പ്പാ​ണ് ഇ​ന്ന് ന​ട​ക്കു​ന്നത്. കോ​ണ്‍​ഗ്ര​സ് സ്ഥാ​നാ​ര്‍​ഥി മ​രി​ച്ച​തി​നാ​ല്‍ ക​ര​ണ്‍​പൂ​ര്‍ മ​ണ്ഡ​ല​ത്തി​ല്‍ പോ​ളിം​ഗ് പി​ന്നീ​ടാ​കും ന​ട​ക്കു​ക.

രാ​വി​ലെ ഏ​ഴു​മുത​ല്‍ വോ​ട്ടിം​ഗ് ആ​രം​ഭി​ച്ചു. വൈ​കു​ന്നേ​രം ആ​റു​വ​രെ​യാ​ണ് വോ​ട്ടെ​ടു​പ്പ്. ഡി​സം​ബ​ര്‍ മൂ​ന്നി​നാ​ണ് വോ​ട്ടെ​ണ്ണ​ല്‍. അ​ഞ്ച് കോ​ടി​യ​ല​ധി​കം വോ​ട്ട​ര്‍​മാ​ര്‍​ക്കാ​യി ആ​കെ 51,756 പോ​ളിം​ഗ് സ്റ്റേ​ഷ​നു​ക​ള്‍ സ​ജ്ജ​മാ​ണ്. 183 വ​നി​ത​ക​ള്‍ ഉ​ള്‍​പ്പെ​ടെ 1,875 സ്ഥാ​നാ​ര്‍​ഥി​ക​ളാ​ണ് മ​ത്സ​ര​രം​ഗ​ത്തു​ള്ള​ത്.

തെ​ര​ഞ്ഞെ​ടു​പ്പിന്‍റെ സു​ഗ​മ​മാ​യ ന​ട​ത്തി​പ്പി​നാ​യി 1,02,290 സു​ര​ക്ഷാ ഉ​ദ്യോ​ഗ​സ്ഥ​രെ വി​ന്യ​സി​ച്ചി​ട്ടു​ണ്ട്. ആകെ 69,114 പോ​ലീ​സ് ഉ​ദ്യോ​ഗ​സ്ഥ​രെ​യും 32,876 രാ​ജ​സ്ഥാ​ന്‍ ഹോം ​ഗാ​ര്‍​ഡി​നെ​യും ഫോ​റ​സ്റ്റ് ഗാ​ര്‍​ഡി​നെ​യും ആ​ര്‍​എ​സി ഉ​ദ്യോ​ഗ​സ്ഥ​രെ​യു​മാ​ണ് വി​ന്യ​സി​ച്ചി​രി​ക്കു​ന്ന​ത്. കൂ​ടാ​തെ 700 ക​മ്പ​നി സി​എ​പി​എ​ഫി​നെ​യും വി​ന്യ​സി​ച്ചി​ട്ടു​ണ്ട്.

ഒ​രു​മാ​സ​ത്തോ​ളം നീ​ണ്ട വാ​ശി​യേ​റി​യ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് ശേ​ഷ​മാ​ണ് സം​സ്ഥാ​നം വോ​ട്ടെ​ടു​പ്പി​ലേ​ക്ക് നീ​ങ്ങിയത്. മു​ഖ്യ​മ​ന്ത്രി സ്ഥാ​നാ​ര്‍​ഥി​യെ ഉ​യ​ര്‍​ത്തി​ക്കാ​ണി​ക്കാ​തെ​യാ​യിരുന്നു ഇ​ത്ത​വ​ണ രാ​ജ​സ്ഥാ​നി​ല്‍ ബി​ജെ​പി​യു​ടെ തെ​ര​ഞ്ഞെ​ടു​പ്പ് പ്ര​ചാ​ര​ണം.

മോ​ദി പ്ര​ഭാ​വ​ത്തി​ല്‍ ഭ​ര​ണ​മാ​റ്റ​ത്തി​നാ​ണ് ബി​ജെ​പി​യു​ടെ ശ്ര​മം. എ​ന്നാ​ല്‍ ഭ​ര​ണ വി​രു​ദ്ധ വി​കാ​ര​മി​ല്ലെ​ന്നാ​ണ് കോ​ണ്‍​ഗ്ര​സ് വാ​ദം. പ​ക്ഷേ അ​ശോ​ക് ഗെഹ്‌ലോട്ടി​ന്‍റെയും സ​ച്ചി​ന്‍ പൈ​ല​റ്റി​ന്‍റെയും ത​മ്മി​ല​ടി ഗു​ജ്ജ​ര്‍ വോ​ട്ടി​ല​ട​ക്കം തി​രി​ച്ച​ടി​യു​ണ്ടാക്കു​മെ​ന്ന ആ​ശ​ങ്ക കോ​ണ്‍​ഗ്ര​സി​നു​ണ്ട്.

സി​ക്ക​ര്‍ മേ​ഖ​ല​യി​ല്‍ ശ​ക്ത​മാ​യ സം​ഘ​ട​നാ സ്വാ​ധീ​ന​മു​ള്ള സി​പി​എം ഇ​ത്ത​വ​ണ നി​ല​മെ​ച്ച​പ്പെ​ടു​ത്തു​മെ​ന്നാ​ണ് അവർ പ്ര​തീ​ക്ഷി​ക്കുന്ന​ത്. 17 സീ​റ്റു​ക​ളി​ലേ​ക്കാ​ണ് പാ​ര്‍​ട്ടി മ​ത്സ​രി​ക്കു​ന്ന​ത്.

സി​പി​എ​മ്മി​ന്‍റെ സി​റ്റിം​ഗ് സീ​റ്റാ​യ ദു​ന്‍​ഗ​ര്‍​ഗി​ലും ഭ​ദ്ര​യി​ലും അ​വ​ര്‍ വി​ജ​യ​പ്ര​തീ​ക്ഷ​യി​ലാ​ണ്. 2018ല്‍ ​ര​ണ്ടാം സ്ഥാ​ന​ത്ത് വ​ന്ന റൈ​സിം​ഗ്ന​ഗ​ര്‍, ദോ​ദ് മ​ണ്ഡ​ല​ങ്ങ​ളി​ലും സി​പി​എ​മ്മി​ന് വി​ജ​യ​പ്ര​തീ​ക്ഷ​യു​ണ്ട്. സം​സ്ഥാ​ന സെ​ക്ര​ട്ട​റി ആ​മ്രാ റാം ​മ​ത്സ​രി​ക്കു​ന്ന ദ​ന്താ രാം​ഗ​ര്‍, സി​ക​ര്‍ മ​ണ്ഡ​ല​ങ്ങ​ളി​ലും സി​പി​എ​മ്മി​ന് പ്ര​തീ​ക്ഷ​യു​ണ്ട്.

ക​ഴി​ഞ്ഞ ര​ണ്ട് തെ​ര​ഞ്ഞെ​ടു​പ്പു​ക​ളി​ലും രാ​ജ​സ്ഥാ​ന്‍ നി​യ​മ​സ​ഭ​യി​ല്‍ ബി​എ​സ്പി​യും ഇ​ടം പി​ടി​ച്ചി​രു​ന്നു.