ന്യൂ​ഡ​ൽ​ഹി: ഖ​ത്ത​റി​ൽ ഇ​ന്ത്യ​ൻ മു​ൻ നാ​വി​ക​രെ വ​ധ​ശി​ക്ഷ​യ്ക്ക് വി​ധി​ച്ച സം​ഭ​വ​ത്തി​ൽ ഇ​ന്ത്യ ന​ൽ​കി​യ അ​പ്പീ​ൽ ഖ​ത്ത​ർ കോ​ട​തി സ്വീകരിച്ചു. അ​പ്പീ​ൽ പ​രി​ശോ​ധി​ച്ച ശേ​ഷം ഖ​ത്ത​ർ കോ​ട​തി വാ​ദം കേ​ൾ​ക്കു​ന്ന തീ​യ​തി നി​ശ്ച​യി​ക്കു​മെ​ന്ന് വൃ​ത്ത​ങ്ങ​ൾ അ​റി​യി​ച്ചു.

2022 ഓ​ഗ​സ്റ്റി​ലാ​ണ് ചാ​ര​പ്ര​വ​ർ​ത്ത​ന​ത്തി​ന് എ​ട്ട് ഇ​ന്ത്യ​ക്കാ​രെ ഖ​ത്ത​റി​ന്‍റെ ര​ഹ​സ്യാ​ന്വേ​ഷ​ണ ഏ​ജ​ൻ​സി അ​റ​സ്റ്റ് ചെ​യ്ത​ത്. എ​ന്നാ​ൽ ഇ​വ​ർ​ക്കെ​തി​രെ​യു​ള്ള കു​റ്റ​ങ്ങ​ൾ ഖ​ത്ത​ർ അ​ധി​കൃ​ത​ർ ഇ​തു​വ​രെ പ​ര​സ്യ​മാ​ക്കി​യി​ട്ടി​ല്ല.

ഇ​വ​രു​ടെ ജാ​മ്യാ​പേ​ക്ഷ പ​ല​ത​വ​ണ ത​ള്ളു​ക​യും ഇ​വ​ർ​ക്കെ​തി​രാ​യ വി​ധി ഖ​ത്ത​റി​ലെ ഫ​സ്റ്റ് ഇ​ൻ​സ്റ്റ​ൻ​സ് കോ​ട​തി ക​ഴി​ഞ്ഞ മാ​സം പ്ര​ഖ്യാ​പി​ക്കു​ക​യും ചെ​യ്തി​രു​ന്നു.

ക​മാ​ൻ​ഡ​ർ പൂ​ർ​ണേ​ന്ദു തി​വാ​രി, ക​മാ​ൻ​ഡ​ർ സു​ഗു​ണാ​ക​ർ പ​ക​ല, ക​മാ​ൻ​ഡ​ർ അ​മി​ത് നാ​ഗ്പാ​ൽ, ക​മാ​ൻ​ഡ​ർ സ​ഞ്ജീ​വ് ഗു​പ്ത, ക്യാ​പ്റ്റ​ൻ ന​വ​തേ​ജ് സിം​ഗ് ഗി​ൽ, ക്യാ​പ്റ്റ​ൻ ബീ​രേ​ന്ദ്ര കു​മാ​ർ വ​ർ​മ, ക്യാ​പ്റ്റ​ൻ സൗ​ര​ഭ് വ​സി​ഷ്ത്, നാ​വി​ക​ൻ രാ​ഗേ​ഷ് ഗോ​പ​കു​മാ​ർ എ​ന്നി​വ​രാ​ണ് അ​റ​സ്റ്റി​ലാ​യ ഇ​ന്ത്യ​ൻ നാ​വി​ക​സേ​നാം​ഗ​ങ്ങ​ൾ.

ഇ​വ​രെ​ല്ലാ​വ​രും ഇ​ന്ത്യ​ൻ നാ​വി​ക​സേ​ന​യി​ൽ 20 വ​ർ​ഷം വ​രെ സേ​വ​നം ചെ​യ്ത​വ​രാ​ണ്. കൂ​ടാ​തെ സേ​ന​യി​ലെ ഇ​ൻ​സ്ട്ര​ക്ട​ർ​മാ​രു​ടേ​തു​ൾ​പ്പെ​ടെ സു​പ്ര​ധാ​ന സ്ഥാ​ന​ങ്ങ​ളും ഇ​വ​ർ വ​ഹി​ച്ചി​ട്ടു​ണ്ട്.

അ​റ​സ്റ്റി​ലാ​യ​വ​രി​ൽ ഒ​രാ​ളു​ടെ സ​ഹോ​ദ​രി​യാ​യ മീ​തു ഭാ​ർ​ഗ​വ ത​ന്‍റെ സ​ഹോ​ദ​ര​നെ തി​രി​കെ കൊ​ണ്ടു​വ​രാ​ൻ സ​ർ​ക്കാ​രി​ന്‍റെ സ​ഹാ​യം തേ​ടി​യി​രു​ന്നു. വി​ഷ​യ​ത്തി​ൽ ഇ​ട​പെ​ട​ണ​മെ​ന്ന് അ​വ​ർ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യോ​ട് അ​ഭ്യ​ർ​ഥി​ച്ചി​രു​ന്നു.