അ​ഹ​മ്മ​ദാ​ബാ​ദ്: ഞാ​യ​റാ​ഴ്ച ഇ​ന്ത്യ​യും ഓ​സ്ട്രേ​ലി​യ​യും ത​മ്മി​ലു​ള്ള ലോ​ക​ക​പ്പ് ഫൈ​ന​ലി​നി​ടെ ഗ്രൗ​ണ്ടി​ലി​റ​ങ്ങി​യ ആ​ളെ​ക്കു​റി​ച്ച് കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വി​ട്ട് ഗു​ജ​റാ​ത്ത് പോ​ലീ​സ്.

ഓ​സ്‌​ട്രേ​ലി​യ​ന്‍ പൗ​ര​നാ​യ ഇ​യാ​ളു​ടെ പേ​ര് വാ​ന്‍ ജോ​ണ്‍​സ​ണ്‍ എ​ന്നാ​ണെ​ന്ന് പോ​ലീ​സ് സ്ഥി​രീ​ക​രി​ച്ചു. ഞാ​യ​റാ​ഴ്ച അ​ഹ​മ്മ​ദാ​ബാ​ദ് ന​രേ​ന്ദ്ര​മോ​ദി സ്‌​റ്റേ​ഡി​യ​ത്തി​ല്‍ ഒ​രു​ക്കി​യ ക​ന​ത്ത സു​ര​ക്ഷാ സ​ന്നാ​ഹ​ങ്ങ​ള്‍ മ​റി​ക​ട​ന്നാ​യി​രു​ന്നു വാ​ന്‍ ജോ​ണ്‍​സ​ണ്‍ ഗ്രൗ​ണ്ടി​ലി​റ​ങ്ങി​യ​ത്.

പ​ല​സ്തീ​ന്‍ അ​നു​കൂ​ല മു​ദ്രാ​വാ​ക്യ​ങ്ങ​ളെ​ഴു​തി​യ ടീ ​ഷ​ര്‍​ട്ട് ധ​രി​ച്ച ഇ​യാ​ള്‍ ക്രീ​സി​ലു​ണ്ടാ​യി​രു​ന്ന വി​രാ​ട് കോ​ലി​യെ കെ​ട്ടി​പ്പി​ടി​ക്കു​ക​യും ചെ​യ്തി​രു​ന്നു. ഇ​യാ​ളു​ടെ അ​റ​സ്റ്റ് പോ​ലീ​സ് തി​ങ്ക​ളാ​ഴ്ച രേ​ഖ​പ്പെ​ടു​ത്തി.

അ​ന്വേ​ഷ​ണം അ​ഹ​മ്മ​ദാ​ബാ​ദ് ക്രൈം ​ബ്രാ​ഞ്ച് ഏ​റ്റെ​ടു​ത്തി​ട്ടു​ണ്ട്. ത​ന്‍റെ പേ​ര് ജോ​ണ്‍ എ​ന്നാ​ണെ​ന്നും ഓ​സ്‌​ട്രേ​ലി​യ​ന്‍ പൗ​ര​നാ​ണെ​ന്നും പി​ടി​കൂ​ടി​യ​തി​ന് പി​ന്നാ​ലെ ഇ​യാ​ള്‍ പ​റ​ഞ്ഞി​രു​ന്നെ​ങ്കി​ലും പോ​ലീ​സ് ഇ​ത് പൂ​ർ​ണ​മാ​യും വി​ശ്വാ​സ​ത്തി​ലെ​ടു​ത്തി​രു​ന്നി​ല്ല.

"ഓ​സ്ട്രേ​ലി​യ​ൻ പൗ​ര​നാ​യ ഇ​യാ​ളു​ടെ പേ​ര് വാ​ൻ ജോ​ൺ​സ​ൺ എ​ന്നാ​ണ്. ഇ​യാ​ളു​ടെ അ​മ്മ ഇ​ന്‍​ഡോ​നേ​ഷ്യ​ക്കാ​രി​യും പി​താ​വ് ചൈ​ന​ക്കാ​ര​നു​മാ​ണ്. മു​മ്പും പ​ല​ത​വ​ണ ഇ​യാ​ള്‍ വി​വി​ധ മ​ത്സ​ര​വേ​ദി​ക​ളി​ലേ​ക്ക് അ​തി​ക്ര​മി​ച്ചു ക​യ​റി​യി​ട്ടു​ണ്ട്. 2020-ല്‍ ​ഒ​രു റ​ഗ്ബി മ​ത്സ​ര​ത്തി​ലേ​ക്ക് അ​തി​ക്ര​മി​ച്ചു ക​യ​റി​യ​തി​ന് ഇ​യാ​ളി​ല്‍ നി​ന്ന് 200 യു​എ​സ് ഡോ​ള​റി​ല​ധി​കം പി​ഴ ഈ​ടാ​ക്കി​യി​ട്ടു​ണ്ട്. 2023ല്‍ ​ഒ​രു വ​നി​താ മ​ത്സ​ര​ത്തി​നി​ടെ അ​തി​ക്ര​മി​ച്ചു ക​യ​റി​യ​തി​ന് 500 യു​എ​സ് ഡോ​ള​റാ​ണ് പി​ഴ ഈ​ടാ​ക്കി​യ​ത്' ഗു​ജ​റാ​ത്ത് ജോ​യി​ന്‍റ് ക​മ്മീ​ഷ​ണ​ര്‍ ഓ​ഫ് ക്രൈം​ബ്രാ​ഞ്ച് (ജെ​സി​പി) നീ​ര​ജ് കു​മാ​ര്‍ ബ​ദ്ഗു​ജ​ര്‍ പ​റ​ഞ്ഞു. പ്രശസ്തനാകാൻ വേണ്ടിയാണ് ഇന്നലെ വാൻ ജോൺസൺ കളത്തിലിറങ്ങിയതെന്നും നീരജ് കുമാർ വ്യക്തമാക്കി.

നീ​ല ജ​ഴ്‌​സി​യ​ണി​ഞ്ഞ് ഇ​ന്ത്യ​ന്‍ ആ​രാ​ധ​ക​നെ​ന്ന വ്യാ​ജേ​ന​യാ​ണ് ഗേ​റ്റ് ന​മ്പ​ര്‍ ഒ​ന്നി​ലൂ​ടെ വാ​ന്‍ ജോ​ണ്‍​സ​ണ്‍ സ്‌​റ്റേ​ഡി​യ​ത്തി​ലേ​ക്ക് പ്ര​വേ​ശി​ച്ച​ത്. 6.5 അ​ടി പൊ​ക്ക​ത്തി​ലു​ള്ള മു​ള്ളു​വേ​ലി ചാ​ടി​ക​ട​ന്നാ​ണ് ഇ​യാ​ള്‍ ഗ്രൗ​ണ്ടി​ലെ​ത്തി​യ​തെ​ന്നും പോ​ലീ​സ് പ​റ​ഞ്ഞു.

ഇ​യാ​ളു​ടെ കൈ​ക​ള്‍​ക്ക് പ​രി​ക്കേ​റ്റി​ട്ടു​ണ്ട്. കോ​ട​തി​യി​ല്‍ ഹാ​ജ​രാ​ക്കി​യ ഇ​യാ​ളെ ഒ​രു ദി​വ​സ​ത്തേ​ക്ക് റി​മാ​ന്‍​ഡ് ചെ​യ്തു. ഇ​ന്ന് വൈ​കു​ന്നേ​രം വീ​ണ്ടും കോ​ട​തി​യി​ല്‍ ഹാ​ജ​രാ​ക്കു​മെ​ന്നും പോ​ലീ​സ് അ​റി​യി​ച്ചു.