മും​ബൈ: മു​ന്‍ ഇ​ന്‍റ​ലി​ജ​ന്‍​സ് ബ്യൂ​റോ ഉ​ദ്യോ​ഗ​സ്ഥ​ന്‍ വൈ​ദ്യു​തി ബി​ല്ലി​ന്‍റെ പേ​രി​ലു​ള്ള സൈ​ബ​ർ ത‌​ട്ടി​പ്പി​ന് ഇ​ര​യാ​യെ​ന്ന് റി​പ്പോ​ർ​ട്ട്. മും​ബൈ മു​ലു​ണ്ടി​ലു​ള്ള ര​ഘു​നാ​ഥ് ക​രം​ബേ​ൽ​ക്ക​ർ എ​ന്ന ഉ​ദ്യോ​ഗ​സ്ഥ​നാ​ണ് ത​ട്ടി​പ്പി​ന് ഇ​ര​യാ​യ​ത്.

72കാ​ര​നാ​യ ഇ​ദ്ദേ​ഹ​ത്തി​ന്‍റെ പ​ക്ക​ൽ നി​ന്നും ഇ​തു​മാ​യി ബ​ന്ധ​പ്പെ​ട്ട് ഏ​ഴ​ര ല​ക്ഷം രൂ​പ​യാ​ണ് ന​ഷ്ട​മാ​യ​ത്. ക​ഴി​ഞ്ഞു പോ​യ മാ​സ​ങ്ങ​ളി​ലെ ബി​ൽ കു​ടി​ശി​ക​യു​ണ്ടെ​ന്ന് കാ​ട്ടി മ​ഹാ​രാ​ഷ്ട്ര സ്റ്റേ​റ്റ് ഇ​ല​ക്ട്രി​സി​റ്റി ബോ​ര്‍​ഡി​ന്‍റെ പേ​രി​ൽ വ​ന്ന വ്യാ​ജ സ​ന്ദേ​ശം വ​ന്നി​രു​ന്നു. പ​ണം ഉ​ട​ൻ അ​ട​ച്ചി​ല്ലെ​ങ്കി​ൽ വൈ​ദ്യു​തി ബ​ന്ധം വി​ച്ഛേ​ദി​ക്കു​മെ​ന്ന മു​ന്ന​റി​യി​പ്പും സ​ന്ദേ​ശ​ത്തി​ലു​ണ്ടാ​യി​രു​ന്നു.

എ​ന്നാ​ൽ ബി​ൽ അ​ട​ച്ച​താ​ണെ​ന്ന് ര​ഘു​നാ​ഥ് പ​റ​ഞ്ഞ​പ്പോ​ൾ ഇ​ത് രേ​ഖ​ക​ളി​ലി​ല്ലെ​ന്ന പ്ര​തി​ക​ര​ണ​മാ​ണ് ല​ഭി​ച്ച​ത്. ഇ​തി​ന് പി​ന്നാ​ല പ്ര​ശ്നം പ​രി​ഹ​രി​ക്കാ​നെ​ന്ന വ്യാ​ജേ​ന, ത​ട്ടി​പ്പു​സം​ഘം ര​ഘു​നാ​ഥി​ന്‍റെ വാ​ട്‌​സ്ആ​പ്പി​ലേ​ക്ക് ഒ​രു ലി​ങ്ക് അ​യ​ച്ചു. ശേ​ഷം അ​തി​ല്‍ ക്ലി​ക്ക് ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ടും സ​ന്ദേ​ശം വ​ന്നു.

എ​ന്നാ​ല്‍ ത​ന്‍റെ ഫോ​ണി​ല്‍ ലി​ങ്ക് തു​റ​ക്കാ​ന്‍ സാ​ധി​ക്കാ​തെ വ​ന്ന​തോ​ടെ ര​ഘു​നാ​ഥ് അ​ത് ഭാ​ര്യ​യു​ടെ ന​മ്പ​റി​ലേ​ക്ക് അയച്ചു കൊടുത്തു. ലി​ങ്ക് തു​റ​ന്ന​പ്പോ​ള്‍, വ്യ​ക്തി​ഗ​ത വി​വ​ര​ങ്ങ​ള്‍ ന​ല്‍​കാ​നും അ​ഞ്ചു രൂ​പ അ​ട​യ്ക്കാ​നു​മാ​ണ് സൈ​ബ​ര്‍ ത​ട്ടി​പ്പു സം​ഘം ആ​വ​ശ്യ​പ്പെ​ട്ട​തെ​ന്ന് അ​ദ്ദേ​ഹം പോ​ലീ​സി​നോ​ട് പ​റ​ഞ്ഞു.

പ​ണം അ​ട​ച്ച​പ്പോ​ൾ ര​ണ്ട് അ​ക്കൗ​ണ്ടി​ലു​മു​ണ്ടാ​യി​രു​ന്ന തു​ക പി​ൻ​വ​ലി​ക്ക​പ്പെ​ട്ടെ​ന്ന സ​ന്ദേ​ശ​മാ​ണ് വ​ന്ന​ത്. ആ​കെ ഏ​ഴ​ര ല​ക്ഷം രൂ​പ ഇ​ത്ത​ര​ത്തി​ൽ ന​ഷ്ട​മാ​യി. ഇ​തി​ന് പി​ന്നാ​ലെ​യാ​ണ് ഇ​രു​വ​രും സൈ​ബ​ർ പോ​ലീ​സി​ൽ പ​രാ​തി ന​ൽ​കി​യ​ത്. അ​ന്വേ​ഷ​ണം ഊ​ർ​ജി​ത​മാ​ക്കി​യി​രി​ക്കു​ക​യാ​ണെ​ന്ന് പോ​ലീ​സ് അ​റി​യി​ച്ചു.