നെയ്യാറ്റിന്കര പോളിടെക്നിക്കില് റാഗിംഗിന്റെ പേരില് വിദ്യാര്ഥിക്ക് മര്ദനം; പോലീസ് കേസെടുത്തു
Saturday, November 18, 2023 10:13 AM IST
തിരുവനന്തപുരം: നെയ്യാറ്റിന്കര പെരുമ്പഴുതൂര് പോളിടെക്നിക്കില് ഒന്നാം വര്ഷ വിദ്യാര്ഥിയെ റാഗ് ചെയ്തെന്ന പ്രിന്സിപ്പലിന്റെ പരാതിയില് പോലീസ് കേസെടുത്തു. ഇരുപതോളം വിദ്യാര്ഥികള് ക്ലാസ് മുറിയിലെത്തി ക്രൂരമായി മര്ദിച്ചെന്നാണ് പരാതി.
കഴിഞ്ഞ ചൊവ്വാഴ്ചയാണ് സംഭവം. പെരുമ്പഴുതൂര് പോളിടെക്നിക്കിലെ ഒന്നാം വര്ഷ ഇന്സ്ട്രമെന്റേഷന് വിദ്യാര്ഥിയാണ് റാഗിംഗിന് ഇരയായത്. ഇയാള് ഇപ്പോള് ആയുര്വേദ ആശുപത്രിയില് ചികിത്സയിലാണ്.
സംഭവത്തില് നാല് വിദ്യാര്ഥികളെ അന്വേഷണവിധേയമായി കോളജില്നിന്ന് സസ്പെന്ഡ് ചെയ്തിരുന്നു. ഇതിന് പിന്നാലെയാണ് പ്രിന്സിപ്പല് പോലീസില് പരാതി നല്കിയത്.