ക​ണ്ണൂ​ർ: പ​രി​യാ​രം പോ​ലീ​സ് സ്റ്റേ​ഷ​ൻ പ​രി​ധി​യി​ൽ വീ​ട് കു​ത്തി​ത്തു​റ​ന്ന് വീ​ട്ടു​കാ​രെ ബ​ന്ദി​യാ​ക്കി സ്വ​ർ​ണ​വും പ​ണ​വും ക​വ​ർ​ച്ച ന​ട​ത്തി​യ സം​ഘ​ത്തി​ലെ ഒ​രാ​ളെ പ്ര​ത്യേ​ക അ​ന്വേ​ഷ​ണ​സം​ഘം പി​ടി​കൂ​ടി. ത​മി​ഴ്നാ​ട് കോ​യ​മ്പ​ത്തൂ​ർ സ്വ​ദേ​ശി സ​ഞ്ജീ​വ് കു​മാ​ർ (27) നെ​യാ​ണ് പി​ടി​കൂ​ടി​യ​ത്.

ഇ​യാ​ൾ ഉ​ൾ​പ്പ​ടെ അ​ഞ്ചം​ഗ സം​ഘ​മാ​ണ് പ​രി​യാ​ര​ത്ത് ക​വ​ർ​ച്ച ന​ട​ത്തി​യ​ത്. പി​ടി​യി​ലാ​യ സ​ഞ്ജീ​വ് കു​മാ​ർ നി​ര​വ​ധി ക​വ​ർ​ച്ചാ കേ​സു​ക​ളി​ൽ പ്ര​തി​യാ​ണ്. ദേ​ശീ​യ​പാ​ത​യി​ലും ക​വ​ർ​ച്ച ന​ട​ന്ന വീ​ടു​ക​ൾ സ്ഥി​തി ചെ​യ്യു​ന്ന പ്ര​ദേ​ശ​ത്തെ​യും അ​ഞ്ഞൂ​റോ​ളം നി​രീ​ക്ഷ​ണ കാ​മ​റ​ക​ളും മൊ​ബൈ​ൽ ട​വ​ർ കേ​ന്ദ്രീ​ക​രി​ച്ചും ന​ട​ത്തി​യ അ​ന്വേ​ഷ​ണ​ത്തി​ലാ​ണ് സം​ഘം ക​വ​ർ​ച്ച​ക്കെ​ത്തി​യ വ്യാ​ജ ന​മ്പ​ർ പ​തി​ച്ച വാ​ഹ​നം ക​ണ്ടെ​ത്തി​യ​ത്.

ഒ​ക്ട​ടോ​ബ​ർ 19-നാ​ണ് പ​രി​യാ​രം ചി​ത​പ്പി​ലെ പൊ​യി​ലി​ലെ ഡോ​ക്‌​ട​ർ ദ​മ്പ​തി​ക​ളു​ടെ വീ​ട്ടി​ൽ ക​വ​ർ​ച്ച ന​ട​ന്ന​ത്. ജ​ന​ലി​ന്‍റെ ഗ്രി​ൽ ത​ക​ർ​ത്ത നാ​ലം​ഗ മു​ഖം​മൂ​ടി​സം​ഘം വീ​ട്ടി​ലെ വ​യോ​ധി​ക​യെ ക​ഴു​ത്തി​ന് ക​ത്തി​വ​ച്ച് ഒ​മ്പ​ത് പ​വ​ന്‍റെ ആ​ഭ​ര​ണ​ങ്ങ​ളും 15,000 രൂ​പ​യും ത​ട്ടി​യെ​ടു​ക്കു​ക​യാ​യി​രു​ന്നു.

തു​ന്പി​ല്ലാ​തെ ക​വ​ർ​ച്ച; തു​ന്പ് ക​ണ്ടെ​ത്തി പോ​ലീ​സ്

ഡി​വൈ​എ​സ്പി പ്രേ​മ​ച​ന്ദ്ര​ന്‍റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘ​മാ​ണ് കേ​സ് അ​ന്വേ​ഷ​ണ​ത്തി​ന് രൂ​പീ​ക​രി​ച്ച​ത്. പ്ര​തി​ക​ൾ ഉ​പ​യോ​ഗി​ച്ച വ്യാ​ജ ന​മ്പ​ർ പ​തി​ച്ച വാ​ഹ​നം ക​ണ്ടെ​ത്തി​യ പോ​ലീ​സ് പ്ര​തി​ക​ൾ​ക്കാ​യി തെ​ര​ച്ചി​ൽ ത​മി​ഴ്നാ​ട്ടി​ലേ​ക്ക് വ്യാ​പി​പ്പി​ക്കു​ക​യാ​യി​രു​ന്നു.

കോ​യ​ന്പ​ത്തൂ​രി​ലെ സു​ളൂ​രി​ൽ നി​ന്നാ​ണ് സ​ഞ്ജീ​വ് കു​മാ​ർ പി​ടി​യി​ലാ​യ​ത്. അ​സാ​ധ്യ വേ​ഗ​ത​യി​ൽ വാ​ഹ​നം ഓ​ടി​ക്കു​ന്ന​യാ​ളാ​ണ് ഇ​യാ​ൾ. അ​ന്വേ​ഷ​ണം സം​ഘം ഇ​യാ​ളു​ടെ അ​ടു​ത്തെ​ത്തി​യ​പ്പോ​ൾ ബൈ​ക്കി​ൽ ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും പോ​ലീ​സ് പി​ന്തു​ട​ർ​ന്ന് പി​ടി​കൂ​ടു​ക​യാ​യി​രു​ന്നു.

സ​ഞ്ജീ​വ് കു​മാ​റി​നെ ചോ​ദ്യം ചെ​യ്ത​തി​ൽ നി​ന്നും കൂ​ട്ടു​പ്ര​തി​ക​ളെ​ക്കു​റി​ച്ചു​ള്ള നി​ർ​ണാ​യ​ക വി​വ​ര​ങ്ങ​ൾ ല​ഭി​ച്ചു. പാ​ല​ക്കാ​ട് വ​ഴി​യാ​ണ് ക​വ​ർ​ച്ചാ​സം​ഘം കേ​ര​ള​ത്തി​ലേ​ക്ക് ക​ട​ന്ന​ത്. ക​വ​ർ​ച്ച ന​ട​ത്തി മ​ട​ങ്ങി​യ​താ​ക​ട്ടെ മ​ടി​ക്കേ​രി വ​ഴി​യും.

സം​ഘ​ത്ത​ല​വ​ൻ സൊ​ള്ള​ൻ സ​തീ​ഷ്

ത​മി​ഴ്നാ​ട്ടി​ലെ കു​പ്ര​സി​ദ്ധ ക്രി​മി​ന​ൽ സൊ​ള്ള​ൻ സ​തീ​ഷി​ന്‍റെ നേ​തൃ​ത്വ​ത്തി​ലു​ള്ള ക​വ​ർ​ച്ചാ സം​ഘ​മാ​ണ് മോ​ഷ​ണം ന​ട​ത്തി​യ​ത്. കൊ​ല​പാ​ത​ക കേ​സ​ട​ക്ക​മു​ള്ള​വ​യി​ൽ പ്ര​തി​യാ​യ ഇ​യാ​ളാ​ണ് വി​വി​ധ ഭാ​ഗ​ങ്ങ​ളി​ലെ ക​വ​ർ​ച്ചാ കേ​സി​ലെ പ്ര​തി​ക​ളെ ഏ​കോ​പി​ച്ച് ക​വ​ർ​ച്ചാ സം​ഘ​മു​ണ്ടാ​ക്കി​യ​ത്.

സം​ഘ​ത്തി​ൽ അം​ഗ​ങ്ങ​ളാ​യ​വ​ർ​ക്ക് പ​ര​സ്പ​രം ശ​രി​യാ​യ മേ​ൽ​വി​ലാ​സം പോ​ലും അ​റി​യി​ല്ല. ഇ​ത്ത​ര​ത്തി​ലാ​യി​രു​ന്നു സ​തീ​ഷ് സം​ഘ​ത്തെ ഏ​കോ​പി​പ്പി​ച്ചി​രു​ന്ന​ത്. വൈ​ഫൈ മോ​ഡം ഉ​പ​യോ​ഗി​ച്ച് സ​മൂ​ഹ​മാ​ധ്യ​മ​ത്തി​ലൂ​ടെ മാ​ത്ര​മാ​ണ് ഇ​വ​ർ ആ​ശ​യ​വി​നി​മ​യം ന​ട​ത്തി​യി​രു​ന്ന​ത്. ത​മി​ഴ്നാ​ട്ടി​ൽ നി​ന്ന് വാ​ഹ​നം മോ​ഷ്ടി​ച്ച് ന​മ്പ​ർ പ്ലേ​റ്റ് മാ​റ്റി കേ​ര​ള ന​മ്പ​ർ ഘ​ടി​പ്പി​ച്ചാ​ണ് മോ​ഷ​ണ​ത്തി​നാ​യി സം​ഘം ഇ​വി​ടെ​യെ​ത്തി​യ​ത്.