ക​ണ്ണൂ​ർ: ക​രി​ക്കോ​ട്ട​ക്ക​രി ഉ​രു​പ്പും​കു​റ്റി ഞെ​ട്ടി​ത്തോ​ട് മ​ല​യി​ൽ പോ​ലീ​സും മാ​വോ​യി​സ്റ്റു​ക​ളും ത​മ്മി​ലു​ള്ള ഏ​റ്റു​മു​ട്ട​ലി​ൽ ര​ക്ഷ​പ്പെ​ട്ട​വ​ർ​ക്കാ​യു​ള്ള തി​ര​ച്ചി​ൽ തു​ട​രു​ന്നു.

ത​ണ്ട​ർ​ബോ​ൾ​ട്ടി​ന്‍റെ നേ​തൃ​ത്വ​ത്തി​ലാ​ണ് വ​ന​മേ​ഖ​ല​ക​ളി​ൽ തി​ര​ച്ചി​ൽ തു​ട​രു​ന്ന​ത്. ആ​റ​ളം ഫാം ​മേ​ഖ​ല, എ​ട​പ്പു​ഴ, വാ​ള​ത്തോ​ട്, ക​രി​ക്കോ​ട്ട​ക്ക​രി പ്ര​ദേ​ശ​ങ്ങ​ളി​ലാ​ണ് പോ​ലീ​സ് പ​രി​ശോ​ധ​ന ശ​ക്ത​മാ​ക്കി​യി​രി​ക്കു​ന്ന​ത്.

ഏ​റ്റു​മു​ട്ട​ലി​ൽ മാ​വോ​യി​സ്റ്റു​ക​ളി​ൽ ഒ​രാ​ൾ​ക്കാ​ണ് പ​രി​ക്ക് പ​റ്റി​യ​തെ​ന്നാ​ണ് പോ​ലീ​സ് വി​ശ​ദീ​ക​രി​ക്കു​ന്ന​ത്. തി​ങ്ക​ളാ​ഴ്ച​യാ​ണ് പോ​ലീ​സും മാ​വോ​യി​സ്റ്റു​ക​ളും ത​മ്മി​ൽ ഏ​റ്റു​മു​ട്ട​ലു​ണ്ടാ​യ​ത്.

മാ​വോ​യി​സ്റ്റ് നേ​താ​വ് കു​പ്പു ദേ​വ​രാ​ജ് കൊ​ല്ല​പ്പെ​ട്ട​തി​ന്‍റെ വാ​ർ​ഷി​ക​ത്തി​ന് മു​ന്നോ​ടി​യാ​യാ​ണ് ഇ​വ​ർ ഒ​ന്നി​ച്ച് ഉ​രു​പ്പും​കു​റ്റി വ​ന​മേ​ഖ​ല​യി​ൽ ത​ന്പ​ടി​ച്ച​തെ​ന്നാ​ണ് സൂ​ച​ന.

വെ​ടി​വ​യ്പ്പു​മാ​യി ബ​ന്ധ​പ്പെ​ട്ട് ആ​രും ക​സ്റ്റ​ഡി​യി​ൽ ഇ​ല്ലെ​ന്ന് തീ​വ്ര​വാ​ദ വി​രു​ദ്ധ സ്ക്വാ​ഡ് ഡി​ഐ​ജി പു​ട്ട വി​മ​ലാ​ദി​ത്യ പ​റ​ഞ്ഞി​രു​ന്നു. വെ​ടി​വ​യ്പി​നു​ശേ​ഷം മാ​വോ​യി​സ്റ്റു​ക​ൾ കാ​ട്ടി​ലേ​ക്ക് ര​ക്ഷ​പ്പെ​ട്ടെ​ന്നും ഇ​വ​ർ​ക്കാ​യി തെ​ര​ച്ചി​ൽ ഊ​ർ​ജി​ത​മാ​ക്കി​യെ​ന്നും ഡി​ഐ​ജി പ​റ​ഞ്ഞു.

ഏ​റ്റു​മു​ട്ട​ലി​ൽ എ​ട്ടു​പേ​രും ര​ക്ഷ​പ്പെ​ട്ട​താ​യാ​ണ് പോ​ലീ​സ് പ​റ​ഞ്ഞ​തെ​ങ്കി​ലും വെ​ടി​വ​യ്പ് ന​ട​ന്ന സ്ഥ​ല​ങ്ങ​ളി​ൽ ര​ക്ത​ത്തു​ള്ളി​ക​ൾ ക​ണ്ടെ​ത്തി​യ​തി​ൽ ദു​രൂ​ഹ​ത ഉ​യ​ർ​ന്നി​രു​ന്നു.

മാ​വോ​യി​സ്റ്റു​ക​ൾ തി​രി​ച്ചെ​ത്തി ആ​ക്ര​മ​ണം ന​ട​ത്താ​നു​ള്ള സാ​ധ്യ​ത​ക​ൾ ക​ണ​ക്കി​ലെ​ടു​ത്ത് ഉ​രു​പ്പും​കു​റ്റി ടൗ​ണി​ലും മ​ല​മു​ക​ളി​ലെ വ​നാ​തി​ർ​ത്തി​യോ​ട് ചേ​ർ​ന്ന പ്ര​ദേ​ശ​ങ്ങ​ളി​ലെ വീ​ടു​ക​ൾ​ക്കും പോ​ലീ​സ് സം​ര​ക്ഷ​ണം ഒ​രു​ക്കി​യി​ട്ടു​ണ്ട്.

തി​ങ്ക​ളാ​ഴ്ച രാ​വി​ലെ 9.30ടെ​യാ​ണ് സ്ഥ​ല​ത്ത് ഏ​റ്റു​മു​ട്ട​ലു​ണ്ടാ​യ​ത്. ജാ​ർ​ഖ​ണ്ഡി​ൽ​നി​ന്ന​ട​ക്ക​മു​ള്ള മാ​വോ​യി​സ്റ്റു​ക​ൾ വ​ന​മേ​ഖ​ല​യി​ൽ ക്യാ​ന്പ് ചെ​യ്യു​ന്നു​ണ്ടെ​ന്നും യോ​ഗം ചേ​രു​ന്നു​ണ്ടെ​ന്നു​മു​ള്ള വി​വ​ര​ത്തെ​ത്തു​ട​ർ​ന്ന് പു​ല​ർ​ച്ചെ മൂ​ന്നോ​ടെ​യാ​ണ് ത​ണ്ട​ർ​ബോ​ൾ​ട്ടും പോ​ലീ​സ് സ്പെ​ഷ​ൽ പ്രൊ​ട്ട​ക്‌​ഷ​ൻ ഫോ​ഴ്സും എ​ത്തി​യ​ത്.

ആ​യാം​കു​ഴി, പ​ള്ളി​ക്കു​ന്ന്, ഞെ​ട്ടി​ത്തോ​ട് തു​ട​ങ്ങി​യ മൂ​ന്നു വ​ഴി​ക​ളി​ലൂ​ടെ​യാ​ണ് പോ​ലീ​സ് സം​ഘം ഉ​രു​പ്പും​കു​റ്റി ഞെ​ട്ടി​ത്തോ​ട് മേ​ഖ​ല​യി​ൽ എ​ത്തി​യ​ത്. ഉ​രു​പ്പും​കു​റ്റി​യി​ൽ​നി​ന്ന് ഏ​ക​ദേ​ശം ഏ​ഴു കി​ലോ​മീ​റ്റ​ർ ഉ​ള്ളി​ലാ​ണ് ഈ ​സ്ഥ​ലം.

വെ​ടി​വ​യ്പി​നെ​ത്തു​ട​ർ​ന്ന് മാ​വോ​യി​സ്റ്റു​ക​ൾ ചി​ത​റി​യോ​ടി. സി.പി. മൊ​യ്തീ​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഇ​വ​രെ​ന്നും പ​റ​യു​ന്നു.