തി​രു​വ​ന​ന്ത​പു​രം: മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി വ​ക​മാ​റ്റി​യെ​ന്ന ഹ​ര്‍​ജി​യി​ല്‍ ലോ​കാ​യു​ക്ത ഫു​ള്‍ ബെ​ഞ്ച് തി​ങ്ക​ളാ​ഴ്ച വി​ധി പ​റ​യും. ഉ​ച്ച​യ്ക്ക് ര​ണ്ട​ര​യ്ക്കാ​കും വി​ധി​ പറയുക. ലോ​കാ​യു​ക്ത ജ​സ്റ്റീ​സ് സി​റി​യ​ക് ജോ​സ​ഫ്, ഉ​പ​ലോ​ക​യു​ക്ത​മാ​രാ​യ ജ​സ്റ്റീ​സ് ഹ​രു​ണ്‍ അ​ൽ റ​ഷീ​ദ്, ജ​സ്റ്റീ​സ് ബാ​ബു മാ​ത്യു പി. ​ജോ​സ​ഫ് എ​ന്നി​വ​രു​ൾ​പ്പെ​ട്ട ബെ​ഞ്ചാ​ണ് വി​ധി പ​റ​യു​ന്ന​ത്.

ആ​ര്‍.​എ​സ്. ശ​ശി​കു​മാ​ര്‍ ആ​ണ് ഹ​ര്‍​ജി​ക്കാ​ന്‍. മു​ഖ്യ​മ​ന്ത്രി പി​ണ​റാ​യി വി​ജ​യ​നും ക​ഴി​ഞ്ഞ​ മ​ന്ത്രി​സ​ഭ​യി​ലെ 18 മ​ന്ത്രി​മാ​രു​മാ​ണ് എ​തി​ര്‍ ക​ക്ഷി​ക​ള്‍.

അ​ന്ത​രി​ച്ച രാ​ഷ്ട്രീ​യ നേ​താ​ക്ക​ളു​ടെ കു​ടും​ബ​ത്തി​ന് ന​ല്‍​കി​യ സാ​മ്പ​ത്തി​ക സ​ഹാ​യം അ​ധി​കാ​ര ദു​ര്‍​വി​നി​യോ​ഗം ആ​ണെ​ന്നും ഒ​ന്നാം പി​ണ​റാ​യി സ​ര്‍​ക്കാ​രി​ലെ മ​ന്ത്രി​മാ​രി​ല്‍ നി​ന്ന് അ​നു​വ​ദി​ച്ച പ​ണം തി​രി​ച്ച് പി​ടി​ക്ക​ണ​മെ​ന്നുമാണ് ഹ​ര്‍​ജിയിലെ ആ​വ​ശ്യം.

എ​ന്‍​സി​പി നേ​താ​വ് ഉ​ഴ​വൂ​ര്‍ വി​ജ​യ​ന്‍, മു​ന്‍ എം​എ​ല്‍​എ കെ.കെ. രാ​മ​ച​ന്ദ്ര​ന്‍ നാ​യ​ര്‍, സി​പി​​എം മു​ന്‍ സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ന്‍റെ പൈ​ല​റ്റ് വാ​ഹ​നം അ​പ​ക​ട​ത്തി​ല്‍​പെ​ട്ട് മ​രി​ച്ച പോ​ലീ​സു​കാ​ര​ന്‍ എ​ന്നി​വ​രു​ടെ കു​ടും​ബ​ങ്ങ​ള്‍​ക്ക് സ​ര്‍​ക്കാ​ര്‍ ജോ​ലി​യും സാ​മ്പ​ത്തി​ക സ​ഹാ​യ​ങ്ങ​ളും ന​ല്‍​കി​യ​ത് ചോ​ദ്യം ചെ​യ്താ​ണ് ഹ​ര്‍​ജി.

2018 സെ​പ്റ്റം​ബ​റി​ല്‍ ഫ​യ​ല്‍ ചെ​യ്യ​പ്പെ​ട്ട ഹ​ര്‍​ജി​യി​ല്‍ അ​ഞ്ചു​വ​ര്‍​ഷ​ങ്ങ​ള്‍​ക്ക് ശേ​ഷ​മാ​ണ് വി​ധി വ​രു​ന്ന​ത്. നേ​ര​ത്തെ, ര​ണ്ടം​ഗ ബെ​ഞ്ച് കേ​സ് പ​രി​ഗ​ണി​ച്ചി​രു​ന്നു. മ​ന്ത്രി​സ​ഭാ തീ​രു​മാ​ന​ത്തി​ല്‍ ഓ​രോ മ​ന്ത്രി​മാ​ര്‍​ക്കും വ്യ​ക്തി​പ​ര​മാ​യി ഉ​ത്ത​ര​വാ​ദി​ത്തം ഉ​ണ്ടോ​യെ​ന്ന നി​യ​മപ്ര​ശ്‌​ന​ത്തി​ല്‍ അ​ഭി​പ്രാ​യ വ്യ​ത്യാ​സം ഉ​ണ്ടാ​യ​തോ​ടെ കേ​സ് ഫു​ള്‍ ബെ​ഞ്ചി​ന് വി​ടു​ക​യാ​യി​രു​ന്നു.

ലോ​കാ​യു​ക്ത​യു​ടെ വി​ധി സ​ര്‍​ക്കാ​രി​ന് ഏ​റെ നി​ര്‍​ണാ​യ​ക​മാ​ണ്. നേ​ര​ത്തെ, ലോ​കാ​യു​ക്ത​യു​ടെ അ​ധി​കാ​ര​ങ്ങ​ള്‍ വെ​ട്ടികു​റ​യ്ക്കു​ന്ന നി​യ​മഭേ​ദ​ഗ​തി ബി​ല്ലി​ല്‍ സ​ര്‍​ക്കാ​ര്‍ ഗ​വ​ര്‍​ണ​ര്‍​ക്ക് സ​മ​ര്‍​പ്പി​ച്ചി​രു​ന്നു. എന്നാൽ ബി​ല്ലി​ല്‍ ഗ​വ​ര്‍​ണ​ര്‍ ഇ​തു​വ​രെ ഒ​പ്പി​ട്ടി​ട്ടി​ല്ല.