ഇം​ഫാ​ൽ: കു​ക്കി​ക​ളു​ടെ സം​ഘ​ട​ന​യാ​യ വേ​ൾ​ഡ് കു​ക്കി-​സോ ഇ​ന്‍റ​ല​ക്ച്വ​ൽ കൗ​ൺ​സി​ൽ (ഡ​ബ്ല്യു​കെ​ഇ​സഡ്ഐ​സി) നി​രോ​ധി​ച്ച് മ​ണി​പ്പു​ർ സ​ർ​ക്കാ​ർ. ഇ​ന്ന് രാ​വി​ലെ മു​ഖ്യ​മ​ന്ത്രി​യു​ടെ ഓ​ഫീ​സി​ൽ ചേ​ർ​ന്ന അ​ടി​യ​ന്ത​ര മ​ന്ത്രി​സ​ഭ​യോ​ഗ​ത്ത​ലാ​ണ് സം​ഘ​ട​ന​യെ നി​രോ​ധി​ച്ച​ത്.

പോ​ലീ​സ് ഉ​ദ്യോ​ഗ​സ്ഥ​നാ​യ ചിം​ഗ്തം ആ​ന​ന്ദ് കു​മാ​റി​നെ ഇ​ന്ന് രാ​വി​ലെ ഒ​രു സം​ഘം വെ​ടി​വ​ച്ചു കൊ​ന്നി​രു​ന്നു. ഇ​തി​നു പി​ന്നാ​ലെ​യാ​ണ് മ​ന്ത്രി​സ​ഭയുടെ അടിയന്തര യോ​ഗം ചേ​ർ​ന്ന​ത്. 1967 ലെ ​നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ (ത​ട​യ​ൽ) നി​യ​മ​ത്തി​ലെ സെ​ക്ഷ​ൻ മൂ​ന്ന് പ്ര​കാ​ര​മാ​ണ് ഡ​ബ്ല്യു​കെ​ഇ​സഡ്ഐ​സി​യെ നി​രോ​ധി​ച്ച് സ​ർ​ക്കാ​ർ ഉ​ത്ത​ര​വി​റ​ക്കി​യ​ത്.

പോ​ലീ​സ് ഉ​ദ്യോ​ഗ​സ്ഥ​ന്‍റെ കൊ​ല​പാ​ത​ക​ത്തി​നു പി​ന്നി​ൽ കു​ക്കി സാ​യു​ധ സം​ഘ​മാ​ണെ​ന്നാ​ണ് പ്രാ​ഥ​മി​ക വി​വ​രം. ഇ​ന്ന് രാ​വി​ലെ 9.30 ന് ​മ്യാ​ന്‍​മ​ര്‍ അ​തി​ര്‍​ത്തി​യോ​ട് ചേ​ര്‍​ന്ന മൊ​റേ​യി​ലാ​ണ് സം​ഭ​വ​മു​ണ്ടാ​യ​ത്. ചിം​ഗ്തം ആ​ന​ന്ദ് അ​തി​ർ​ത്തി പ​ട്ട​ണ​ത്തി​ൽ പു​തു​താ​യി നി​ർ​മി​ച്ച ഹെ​ലി​പാ​ഡ് പ​രി​ശോ​ധി​ക്കു​ന്ന​തി​നി​ടെ​യാ​ണ് സം​ഭ​വം.