തൃ​ശൂ​ര്‍: മാ​ധ്യ​മ​പ്ര​വ​ര്‍​ത്ത​ക​യോ​ട് സു​രേ​ഷ് ഗോ​പി അ​പ​മ​ര്യാ​ദ​യാ​യി പെ​രു​മാ​റി​യ സം​ഭ​വ​ത്തി​ല്‍ പോ​സ്റ്റ​ര്‍ പ്ര​തി​ഷേ​ധ​വു​മാ​യി ഡി​വൈ​എ​ഫ്‌​ഐ. ന​ഗ​ര​ത്തി​ലെ എം​ജി റോ​ഡി​ല്‍ സു​രേ​ഷ് ഗോ​പിക്കെ​തി​രേ പോ​സ്റ്റ​ര്‍ പ​തി​ച്ചു.

സു​രേ​ഷ് ഗോ​പി സാം​സ്‌​കാ​രി​ക കേ​ര​ള​ത്തി​ന് അ​പ​മാ​നം, സു​രേ​ഷ് ഗോ​പി​യു​ടെ ത​നി​നി​റം തി​രി​ച്ച​റി​യു​ക തു​ട​ങ്ങി​യ​വ​യാ​ണ് പോ​സ്റ്റ​റി​ലെ വാ​ച​ക​ങ്ങ​ള്‍. ഡി​വൈ​എ​ഫ്‌​ഐ തൃ​ശൂ​ര്‍ ജി​ല്ലാ ക​മ്മി​റ്റി​യാ​ണ് പ്ര​തി​ഷേ​ധി​ച്ച​ത്.

സു​രേ​ഷ് ഗോ​പി കേ​ര​ള​ത്തി​ല്‍ സി​നി​മാ​റ്റി​ക് കോ​മാ​ളി​യാ​യി മാ​റി​യെ​ന്ന് ഡി വൈഎ​ഫ്ഐ ​സം​സ്ഥാ​ന സെ​ക്ര​ട്ട​റി​യേ​റ്റും പ്ര​തി​ക​രി​ച്ചു. മാ​ധ്യ​മ​പ്ര​വ​ര്‍​ത്ത​ക​യോ​ടു​ള്ള സ​മീ​പ​നം സു​രേ​ഷ് ഗോ​പി പേ​റു​ന്ന ജീ​ര്‍​ണ രാ​ഷ്ട്രീ​യ​ത്തിന്‍റെ ബാ​ക്കി​പ​ത്ര​മാ​ണെ​ന്നും ഡി​വൈ​എ​ഫ്ഐ വിമർശിച്ചു.

ക​ഴി​ഞ്ഞദി​വ​സം കോ​ഴി​ക്കോ​ട് വെ​ച്ച് സു​രേ​ഷ് ഗോ​പി മാ​ധ്യ​മ​ങ്ങ​ളെ കാ​ണു​ന്ന​തി​നി​ടെ​യാ​ണ് വിവാദമായ സം​ഭ​വം ഉണ്ടായത്. ചോ​ദ്യം ചോ​ദി​ച്ച മാ​ധ്യ​മ പ്ര​വ​ര്‍​ത്ത​ക​യു​ടെ തോ​ളി​ല്‍ സു​രേ​ഷ് ഗോ​പി കൈ​വെ​യ്ക്കു​ക​യാ​യി​രു​ന്നു.

അ​വ​ര്‍ അ​പ്പോ​ള്‍ ത​ന്നെ കൈ ​ത​ട്ടി​മാ​റ്റി​യി​രു​ന്നു. എന്നാലിത് ആ​വ​ര്‍​ത്തി​ച്ചിരുന്നു. അപ്പോഴും മാ​ധ്യ​മ പ്ര​വ​ര്‍​ത്ത​ക​ കൈ ​ത​ട്ടിമാ​റ്റി​യി​രു​ന്നു.

സം​ഭ​വ​ത്തി​ല്‍ നി​യ​മ​ന​ട​പ​ടി സ്വീ​ക​രി​ക്കു​മെ​ന്ന് മാ​ധ്യ​മസ്ഥാ​പ​നം വ്യ​ക്ത​മാ​ക്കി​യി​രു​ന്നു. വ​നി​താ ക​മ്മീ​ഷ​നി​ല്‍ പ​രാ​തി ന​ല്‍​കു​മെ​ന്ന് മാ​ധ്യ​മ​പ്ര​വ​ര്‍​ത്ത​ക​രു​ടെ സം​ഘ​ട​ന​യാ​യ കെ​യു​ഡ​ബ്ല്യു​ജെയും അ​റി​യി​ച്ചിരുന്നു.

ഇ​തി​നു​പി​ന്നാ​ലെ സു​രേ​ഷ് ഗോ​പി മാ​പ്പ് പ​റ​ഞ്ഞു. മാ​ധ്യ​മ​പ്ര​വ​ര്‍​ത്ത​ക​യെ തൊ​ട്ട​ത് പി​താ​വി​നെ പോ​ലെ എന്നായിരുന്നു വിശദീകരണം.എന്നാൽ സു­​രേ­​ഷ് ഗോ­​പി­​യു­​ടേ­​ത് മാ­​പ്പ് പ­​റ­​ച്ചി­​ല​ല്ല വി­​ശ­​ദീ­​ക­​ര­​ണ­​മാ­​യി­​ട്ടാ­​ണ് തോ­​ന്നി­​യ­​തെ­​ന്ന് പ­​രാ­​തി ഉ­​ന്ന­​യി­​ച്ച മാ­​ധ്യ­​മ­​പ്ര­​വ​ര്‍­​ത്ത­​ക പറഞ്ഞു.

മോ­​ശം സ്­​പ​ര്‍­​ശ­​ന­​മാ­​യി­​ട്ടാ­​ണ് ത­​നി­​ക്ക് അ­​നു­​ഭ­​വ­​പ്പെ­​ട്ട​ത്. ഇ­​നി­​യൊ­​രു മാ­​ധ്യ­​മ­​പ്ര­​വ​ര്‍­​ത്ത­​ക­​യ്ക്കും ഇ​ത്ത­​ര­​മൊ­​രു അ­​നു​ഭ­​വം ഉ­​ണ്ടാ­​കാ­​തി­​രി­​ക്കാ­​നാ­​ണ് നി­​യ­​മ­​ന­​ട­​പ­​ടി­​ക­​ളി­​ലേ­​ക്ക് ക­​ട­​ക്കു­​ന്ന­​തെ​ന്നും അ­​വ​ര്‍ വ്യക്തമാക്കി.