ക​യ്റോ: ഇ​സ്ര​യേ​ൽ- ഹ​മാ​സ് പോ​രാ​ട്ട​ത്തി​ന്‍റെ ഭാ​ഗ​മാ​യി വി​ക്ഷേ​പി​ച്ച ഈ​ജി​പ്ഷ്യ​ൻ ന​ഗ​ര​ത്തി​ൽ പ​തി​ച്ച​താ​യി റി​പ്പോ​ർ​ട്ട്. വെ​ള്ളി​യാ​ഴ്ച പു​ല​ർ​ച്ചെ​യാ​ണ് ഗാ​സ മു​ന​മ്പി​ൽ നി​ന്ന് 220 കി​ലോ​മീ​റ്റ​ർ അ​ക​ലെ​യു​ള്ള, ചെങ്കടൽ തീരത്തെ ഈ​ജി​പ്ഷ്യ​ൻ റി​സോ​ർ​ട്ട് ന​ഗ​ര​മാ​യ താ​ബ​യി​ൽ പ​തി​ച്ച​ത്.

താ​ബ​യി​ലെ മെ​ഡി​ക്ക​ൽ സ്ഥാ​പ​ന​ത്തി​ൽ മി​സൈ​ൽ വീ​ണ​തി​നെ തു​ട​ർ​ന്നു​ണ്ടാ​യ സ്ഫോ​ട​ന​ത്തി​ൽ ആ​റ് പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത​താ​യി ഈ​ജി​പ്തി​ലെ അ​ൽ ഖ​ഹേ​റ ടി​വി റി​പ്പോ​ർ​ട്ട് ചെ​യ്തു. അ​തേ​സ​മ​യം, സ്‌​ഫോ​ട​ന​ത്തി​ന് ശേ​ഷം ഉ​ത്ത​ര​വാ​ദി​ത്തം ഏ​റ്റെ​ടു​ത്തി​ട്ടി​ല്ല.

ഇ​സ്ര​യേ​ലി​ന്‍റെ ചെ​ങ്ക​ട​ൽ തു​റ​മു​ഖ​മാ​യ എ​യ്‌​ലാ​ത്തി​ന​ടു​ത്താ​ണ് അ​തി​ർ​ത്തി​ന​ഗ​ര​മാ​യ താ​ബ. ബു​ധ​നാ​ഴ്‌​ച എ​യ്‌​ലാ​ത്ത്‌ ല​ക്ഷ്യ​മാ​ക്കി മി​സൈ​ൽ പ്ര​യോ​ഗി​ച്ച​താ​യി ഹ​മാ​സ്‌ പ​റ​ഞ്ഞി​രു​ന്നു. എ​ന്നാ​ൽ അ​ത് ന​ഗ​ര​ത്തി​നു പു​റ​ത്താ​ണ് പ​തി​ച്ച​തെ​ന്ന് ഇ​സ്ര​യേ​ൽ സൈ​ന്യം പ​റ​ഞ്ഞു.