കു​ന്നം​കു​ളം: സം​സ്ഥാ​ന സ്കൂ​ൾ കാ​യി​ക​മേ​ള​യു​ടെ ര​ണ്ടാംദി​നം ആ​ദ്യ സ്വ​ർ​ണം ഇ​ടു​ക്കി​ക്ക്. സീ​നി​യ​ർ ആ​ൺ​കു​ട്ടി​ക​ളു​ടെ അ​ഞ്ച് കി​ലോ​മീ​റ്റ​ർ ന​ട​ത്ത​ത്തി​ൽ ഇ​ടു​ക്കി എ​സ്എ​ൻ​വി എ​സ്എ​സി​ന്‍റെ അ​ഭി​ദേ​വ് സ​ത്യ​ൻ സ്വ​ർ​ണം സ്വ​ന്ത​മാ​ക്കി.

24:24.75 സെ​ക്ക​ൻ​ഡി​ൽ ഫി​നി​ഷ് ചെ​യ്താ​ണ് അ​ഭി​ദേ​വ് ഒ​ന്നാ​മ​ത് ഫി​നി​ഷ് ചെ​യ്ത​ത്. മ​ല​പ്പു​റം ത​വ​നൂ​ർ സ്കൂ​ളി​ലെ കെ.​പി. സി​ദ്ധാ​ർ​ഥ് (25:34.23) ര​ണ്ടും കോ​ഴി​ക്കോ​ട് സാ​യി​യു​ടെ ജെ. ​ജീ​വ​ൻ (26:23.84) മൂ​ന്നും സ്ഥാ​നം സ്വ​ന്ത​മാ​ക്കി.

സീ​നി​യ​ർ പെ​ൺ​കു​ട്ടി​ക​ളു​ടെ മൂ​ന്ന് കി​ലോ​മീ​റ്റ​ർ ന​ട​ത്ത​ത്തി​ൽ എ​റ​ണാ​കു​ളം മാ​തി​ര​പ്പി​ള്ളി സ്കൂ​ളി​ലെ മി​യ റോ​സ് (16:20.91) ഒ​ന്നാം സ്ഥാ​നം നേ​ടി. മ​ല​പ്പു​റം ആ​ല​ത്തി​യൂ​ർ കെ ​എ​ച്ച് എം ​എ​ച്ച്എ​സി​ന്‍റെ പി. ​നി​ര​ഞ്ജ​ന (16:25:42 ) ര​ണ്ടാ​മ​തും പാ​ല​ക്കാ​ട് കൊ​ട്ടാ​യി ജി ​എ​ച്ച് എ​സി​ലെ വി.​ബി. ന​യ​ന മൂ​ന്നാം സ്ഥാ​ന​വും ക​ര​സ്ഥ​മാ​ക്കി.

മീ​റ്റി​ന്‍റെ ര​ണ്ടാം ദി​ന​വും പാ​ല​ക്കാ​ട് മെ​ഡ​ൽ പ​ട്ടി​ക​യി​ൽ ഒ​ന്നാം സ്ഥാ​ന​ത്ത് തു​ട​രു​ന്നു. ഏ​ഴ് സ്വ​ർ​ണം, അ​ഞ്ച് വെ​ള്ളി, നാ​ല് വെ​ങ്ക​ലം എ​ന്നി​ങ്ങ​നെ 16 മെ​ഡ​ലു​മാ​യി 54 പോ​യി​ന്‍റാ​ണ് പാ​ല​ക്കാ​ടി​ന്. നാ​ല് സ്വ​ർ​ണം, ഏ​ഴ് വെ​ള്ളി, ര​ണ്ട് വെ​ങ്ക​ലം എ​ന്നി​ങ്ങ​നെ 13 മെ​ഡ​ലു​മാ​യി 43 പോ​യി​ന്‍റോ​ടെ മ​ല​പ്പു​റം ര​ണ്ടാം സ്ഥാ​ന​ത്ത് തു​ട​രു​ന്നു.

സ്കൂ​ളു​ക​ളി​ൽ 18 പോ​യി​ന്‍റു​മാ​യി ഐ​ഡി​യ​ൽ ക​ട​ക​ശേ​രി​യാ​ണ് ഒ​ന്നാ​മ​ത്. 14 പോ​യി​ന്‍റു​മാ​യി കോ​ത​മം​ഗ​ലം മാ​ർ ബേ​സി​ൽ ര​ണ്ടാ​മ​തു​ണ്ട്. മീ​റ്റി​ന്‍റെ ആ​ദ്യ​ദി​നം ര​ണ്ട് റി​ക്കാ​ർ​ഡു​ക​ൾ പി​റ​ന്നി​രു​ന്നു.