തി​രു​വ​ന​ന്ത​പു​രം: അ​സാ​ധ്യം എ​ന്നൊ​രു വാ​ക്ക് കേ​ര​ള​ത്തി​ലി​ല്ലെ​ന്ന് തെ​ളി​ഞ്ഞു​വെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. വി​ഴി​ഞ്ഞം തു​റ​മു​ഖം ഉ​ദ്ഘാ​ട​നം ചെ​യ്തു​കൊ​ണ്ട് പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

ന​മ്മു​ടെ സ്വ​പ്ന​പ​ദ്ധ​തി​യാ​യ വി​ഴി​ഞ്ഞം തുറമുഖം യാ​ഥാ​ർ​ഥ്യ​മാ​കു​ന്ന​തി​ന്‍റെ അ​ടു​ത്ത നി​മി​ഷ​ത്തി​ലാ​ണ് നാം ​നി​ല്ക്കു​ന്ന​ത്. ഏ​ത് പ്ര​തി​സ​ന്ധി​യെ​യും, അ​ത് എ​ത്ര വ​ലു​താ​ണെ​ങ്കി​ലും അ​തി​ജീ​വി​ക്കും എ​ന്ന് നാം ​ന​മ്മു​ടെ ഒ​രു​മ​യി​ലൂ​ടെ​യും ഐ​ക്യ​ത്തി​ലൂ​ടെ​യും തെ​ളി​യി​ച്ചി​ട്ടു​ള്ള​താ​ണ്. അ​താ​ണ് ഈ ​തു​റ​മു​ഖ കാ​ര്യ​ത്തി​ലും ന​മു​ക്ക് കാ​ണാ​നാ​കു​ക​യെ​ന്നും പി​ണ​റാ​യി വി​ജ​യ​ൻ കൂ​ട്ടി​ച്ചേ​ർ​ത്തു.

ഇ​തു​പോ​ലെ എ​ട്ട് ക​പ്പ​ൽ കൂ​ടി ഇ​നി​യു​ള്ള ദി​വ​സ​ങ്ങ​ളി​ൽ എ​ത്തു​മെ​ന്നും ആ​റു​മാ​സം കൊ​ണ്ട് പൂ​ർ​ണ​മാ​യും പ​ദ്ധ​തി ക​മ്മീ​ഷ​ൻ ചെ​യ്യാ​നാ​കു​മെ​ന്ന് അ​ദാ​നി ഗ്രൂ​പ്പ് ഉ​റ​പ്പു​ന​ല്കി​യെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.

തു​റ​മു​ഖ നി​ർ​മാ​ണ​വു​മാ​യി ബ​ന്ധ​പ്പെ​ട്ട പ്ര​തി​സ​ന്ധി​ക​ൾ മൂ​ലം കു​റ​ച്ച് കാ​ല​താ​മ​സം വ​ന്നു​വെ​ന്ന​ത് വ​സ്തു​ത​യാ​ണ്. പ​ക്ഷെ വേ​ഗ​ത്തി​ൽ പ​ദ്ധ​തി പൂ​ർ​ത്തി​യാ​ക്കാ​ൻ സാ​ധി​ച്ചു. ഈ ​പ​ദ്ധ​തി യാ​ഥാ​ർ​ഥ്യ​മാ​ക​ണ​മെ​ന്ന് ജ​ന​ങ്ങ​ൾ ആ​കെ ആ​ഗ്ര​ഹി​ക്കു​ന്ന കാ​ര്യ​മാ​ണ്. ഇ​തു​പോ​ലൊ​രു തു​റ​മു​ഖം ലോ​ക​ത്തി​ൽ അ​പൂ​ർ​വ​മാ​ണ്. അ​ത്ര​മാ​ത്രം വി​ക​സ​ന സാ​ധ്യ​ത​യാ​ണ് ഈ ​പോ​ർ​ട്ടി​ന്‍റെ ഭാ​ഗ​മാ​യു​ള്ള​തെ​ന്നും പി​ണ​റാ​യി വി​ജ​യ​ൻ പ​റ​ഞ്ഞു.

ഈ ​തു​റ​മു​ഖ​ത്തി​ന്‍റെ സാ​ന്നി​ധ്യ​ത്തി​ലൂ​ടെ വ​രാ​ൻ പോ​കു​ന്ന വി​ക​സ​നം ന​മ്മു​ടെ ഭാ​വ​ന​ക​ൾ​ക്ക​പ്പു​റ​മു​ള്ള​താ​ണ്. അ​തി​നു​ത​കു​ന്ന സ​മീ​പ​നം നാ​മെ​ല്ലാ​വ​രും സ്വീ​ക​രി​ക്ക​ണം. ഇ​തി​ന്‍റെ ഭാ​ഗ​മാ​യി ഒ​രു ഔ​ട്ട​ർ റിം​ഗ് റോ​ഡ് വി​ക​സി​പ്പി​ക്കാ​ൻ തീ​രു​മാ​നി​ച്ചി​ട്ടു​ണ്ട്. അ​തോ​ടൊ​പ്പം ധാ​രാ​ളം പു​തി​യ പ​ദ്ധ​തി​ക​ൾ കൂ​ടി വ​രും. നാം ​ക​ണ​ക്കാ​ക്കി​യ​തി​ലും അ​പ്പു​റ​മാ​ണ് അ​തി​നു​ള്ള സാ​ധ്യ​ത. ന​മ്മു​ടെ വി​ക​സ​ന കു​തി​പ്പി​ന് ക​രു​ത്തേ​കു​ന്ന ഒ​ന്നാ​കും തു​റ​മു​ഖ​മെ​ന്നും മു​ഖ്യ​മ​ന്ത്രി പ​റ​ഞ്ഞു.

അതേസമയം, വി​ഴി​ഞ്ഞ​ത്തി​നെ​തി​രേ ചില അ​ന്താ​രാ​ഷ്ട്ര ലോ​ബി​ക​ൾ പ്ര​വർത്തിച്ചെന്നും വാണിജ്യലോബികളും അതിനൊപ്പം നിന്നുവെന്നും എന്നാൽ അതിനെയെല്ലാം അതിജീവിക്കാനായെന്നും മുഖ്യമന്ത്രി കൂട്ടിച്ചേർത്തു.

വൈ​കു​ന്നേ​രം നാ​ലി​ന് തു​റ​മു​ഖ​ത്തി​ന്‍റെ ബെ​ർ​ത്തി​ൽ എ​ത്തി​യ ഷെ​ൻ ഹു​വ 15 എ​ന്ന ചൈ​നീ​സ് ക​പ്പ​ലി​നെ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ൽ പ​താ​ക​വീ​ശി​യും ബ​ലൂ​ണ്‍ പ​റ​ത്തി​യും വാ​ട്ട​ർ സ​ല്യൂ​ട്ട് ന​ൽ​കി​യുമാണ് വ​ര​വേ​റ്റത്.

കേ​ന്ദ്ര​മ​ന്ത്രി സ​ർ​ബാ​ന​ന്ദ സോ​നോ​വാ​ളും കേ​ര​ള​ത്തി​ലെ മ​ന്ത്രി​മാ​രും ജ​ന​പ്ര​തി​നി​ധി​ക​ളും ക​പ്പ​ലി​നെ വ​ര​വേ​ൽ​ക്കാ​നെ​ത്തി​യി​രുന്നു. തുടർന്ന് നടന്ന ഉദ്ഘാടന സമ്മേളനത്തിന് സം​സ്ഥാ​ന തു​റ​മു​ഖ​മ​ന്ത്രി അ​ഹ​മ്മ​ദ് ദേ​വ​ർ​കോ​വി​ൽ അധ്യക്ഷത വഹിച്ചു. അ​ധ്യ​ക്ഷ​ത​യി​ൽ ചേ​രു​ന്ന സ​മ്മേ​ള​നം മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും. കേ​ന്ദ്ര ഷി​പ്പിം​ഗ് വാ​ട്ട​ർ​വേ​യ്സ് ആ​ൻ​ഡ് ആ​യു​ഷ് മ​ന്ത്രി സ​ർ​ബാ​ന​ന്ദ സോ​നോ​വാ​ൾ മു​ഖ്യാ​തി​ഥി​യാ​യി.

കേ​ന്ദ്ര​മ​ന്ത്രി വി. ​മു​ര​ളീ​ധ​ര​ൻ, സം​സ്ഥാ​ന മ​ന്ത്രി​മാ​രാ​യ വി. ​ശി​വ​ൻ​കു​ട്ടി, കെ. ​രാ​ജ​ൻ, പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ, ശ​ശി ത​രൂ​ർ എം​പി, എം. ​വി​ൻ​സ​ന്‍റ് എം​എ​ൽ​എ, തി​രു​വ​ന​ന്ത​പു​രം മേ​യ​ർ ആ​ര്യ രാ​ജേ​ന്ദ്ര​ൻ, അ​ദാ​നി വി​ഴി​ഞ്ഞം പോ​ർ​ട്സ് ലി​മി​റ്റ​ഡ് ചെ​യ​ർ​മാ​ൻ ക​ര​ണ്‍ അ​ദാ​നി എ​ന്നി​വരും മ​ന്ത്രി​മാ​രും മ​റ്റു നേ​താ​ക്ക​ളും സ​ന്നി​ഹി​ത​രായിരുന്നു.

ആ​ദ്യ​ക​പ്പ​ൽ എ​ത്തു​ന്ന ച​ട​ങ്ങി​നോ​ട​നു​ബ​ന്ധി​ച്ച് ക​ന​ത്ത സു​ര​ക്ഷ​യാ​ണ് തു​റ​മു​ഖ പ്ര​ദേ​ശ​ത്ത് ഏ​ർ​പ്പെ​ടു​ത്തി​യി​രി​ക്കു​ന്ന​ത്. സു​ര​ക്ഷ​യ്ക്കാ​യി ര​ണ്ടാ​യി​ര​ത്തോ​ളം പോ​ലീ​സു​കാ​രെ വി​ന്യ​സി​ച്ചു. ക​ര​യി​ലും ക​ട​ലി​ലും നി​രീ​ക്ഷ​ണ​മു​ണ്ടാ​കും. അ​യ്യാ​യി​രം പേ​ർ​ക്ക് ഇ​രി​ക്കാ​വു​ന്ന പ​ന്ത​ലാ​ണ് ഒ​രു​ക്കി​യ​ത്. പൊ​തു​ജ​ന​ങ്ങ​ൾ​ക്കു പ്ര​വേ​ശ​ന​മു​ണ്ട്.

ആ​യി​രം ദി​വ​സം​കൊ​ണ്ട് പൂ​ർ​ത്തി​യാ​ക്കാ​മെ​ന്ന വാ​ഗ്ദാ​ന​ത്തോ​ടെ 2015 ഡി​സം​ബ​ർ 15 നാ​ണ് വി​ഴി​ഞ്ഞം അ​ന്താ​രാ​ഷ്‌​ട്ര തു​റ​മു​ഖ​ത്തി​ന്‍റെ നി​ർ​മാ​ണം ആ​രം​ഭി​ച്ച​ത്. നി​ര​വ​ധി പ്ര​തി​സ​ന്ധി​ക​ളെ നേ​രി​ട്ട് ഒ​ടു​വി​ൽ എ​ട്ടാം വ​ർ​ഷ​മാ​ണ് ക്രെ​യി​നു​മാ​യി ആ​ദ്യ​ക​പ്പ​ൽ എ​ത്തി​ച്ചേ​ർ​ന്ന​ത്.

അ​ടു​ത്ത വ​ർ​ഷം ഡി​സം​ബ​റി​ൽ നി​ർ​മാ​ണം പൂ​ർ​ത്തി​യാ​ക്കി അ​ന്താ​രാ​ഷ്‌​ട്ര ത​ല​ത്തി​ൽ ച​ര​ക്കു നീ​ക്കം ആ​രം​ഭി​ക്കാ​ൻ സാ​ധി​ക്കു​മെ​ന്നാ​ണ് ഇ​പ്പോ​ൾ പ്ര​തീ​ക്ഷി​ക്കു​ന്ന​ത്. പ്ര​തി​വ​ർ​ഷം 10 ല​ക്ഷം ക​ണ്ടെ​യ്ന​റു​ക​ൾ കൈ​കാ​ര്യം ചെ​യ്യാ​ൻ സാ​ധി​ക്കു​ന്ന രാ​ജ്യ​ത്തെ മു​ൻ​നി​ര തു​റ​മു​ഖ​മാ​യി വി​ഴി​ഞ്ഞം മാ​റും.