ബെ​നോ​ലിം (ഗോ​വ): സ​ന്തോ​ഷ് ട്രോ​ഫി പ്രാ​ഥ​മി​ക റൗ​ണ്ടി​ൽ തു​ട​ർ​ച്ച​യാ​യ മൂ​ന്നാം ജ​യ​വു​മാ​യി കേ​ര​ള​ത്തി​ന്‍റെ കു​തി​പ്പ്. ഞാ​യ​റാ​ഴ്ച ന​ട​ന്ന മ​ത്സ​ര​ത്തി​ൽ ഛത്തി​സ്ഗ​ഡി​നെ മ​റു​പ​ടി​യി​ല്ലാ​ത്ത മൂ​ന്നു​ഗോ​ളി​ന് വീ​ഴ്ത്തി​യാ​ണ് കേ​ര​ള​ത്തി​ന്‍റെ മു​ന്നേ​റ്റം.

തു​ട​ക്കം മു​ത​ൽ ആ​ക്ര​മി​ച്ച് ക​ളി​ച്ച കേ​ര​ളം ആ​റാം മി​നി​റ്റി​ൽ ത​ന്നെ സ​ജീ​ഷി​ന്‍റെ ഗോ​ളി​ൽ‌ മു​ന്നി​ലെ​ത്തി. ആ​ദ്യ​പ​കു​തി​യി​ൽ ഛത്തി​സ്ഗ​ഡ് മി​ക​ച്ച പ്ര​ത്യാ​ക്ര​മ​ണം ന​ട​ത്തി​യെ​ങ്കി​ലും ഗോ​ൾ മാ​ത്രം അ​ക​ന്നു​നി​ന്നു.

ര​ണ്ടാം​പ​കു​തി​യി​ൽ കേ​ര​ള​ത്തി​ന്‍റെ സ​ർ​വാ​ധി​പ​ത്യ​ത്തി​നാ​ണ് ബെ​നോ​ലിം സ്പോ​ർ​ട്സ് അ​ഥോ​റി​റ്റി ഓ​ഫ് ഗോ​വ സ്റ്റേ​ഡി​യം സാ​ക്ഷ്യം​വ​ഹി​ച്ച​ത്. തു​ട​ക്ക​ത്തി​ൽ ത​ന്നെ യു​വ​താ​രം ജു​നൈ​നി​ന്‍റെ ഗോ​ളി​ലൂ​ടെ കേ​ര​ളം ലീ​ഡു​യ​ർ​ത്തി. തു​ട​ർ​ന്ന് 67-ാം മി​നി​റ്റി​ൽ നാ​യ​ക​ൻ നി​ജോ ഗി​ൽ​ബ​ർ​ട്ടി​ന്‍റെ മി​ന്നും ഗോ​ളോ​ടെ കേ​ര​ളം സ​മ്പൂ​ർ​ണ ആ​ധി​പ​ത്യം ഉ​റ​പ്പി​ച്ചു.

ആ​ദ്യ ര​ണ്ടു​ക​ളി​ക​ളി​ൽ ഗു​ജ​റാ​ത്തി​നെ​യും (3-0), ജ​മ്മു കാ​ഷ്മീ​രി​നെ​യും (6-1) ത​ക​ർ​ത്താ​ണ് കേ​ര​ളം എ​ത്തി​യ​ത്. വി​ജ​യ​ത്തോ​ടെ അ​ടു​ത്ത ഘ​ട്ട​ത്തി​ലേ​ക്കു​ള്ള കേ​ര​ള​ത്തി​ന്‍റെ സാ​ധ്യ​ത സ​ജീ​വ​മാ​യി. ആ​തി​ഥേ​യ​രും ഗ്രൂ​പ്പി​ലെ ക​രു​ത്ത​രു​മാ​യ ഗോ​വ​യ്ക്കെ​തി​രേ​യാ​ണ് 17ന് ​പ്രാ​ഥ​മി​ക റൗ​ണ്ടി​ലെ കേ​ര​ള​ത്തി​ന്‍റെ അ​വ​സാ​ന മ​ത്സ​രം.