അ​ഹ​മ്മ​ദാ​ബാ​ദ്: പാ​ക്കി​സ്ഥാ​നെ​തി​രേ ശ​നി​യാ​ഴ്ച ന​ട​ക്കു​ന്ന മ​ത്സ​ര​ത്തി​ല്‍ ശു​ഭ്മാ​ന്‍ ഗി​ല്‍ ക​ള​ത്തി​ലി​റ​ങ്ങാ​ന്‍ സാ​ധ്യ​ത. യു​വ ഓ​പ്പ​ണ​ര്‍ '99 ശ​ത​മാ​നം' തയാർ ആ​ണെ​ന്ന് ക്യാ​പ്റ്റ​ന്‍ രോ​ഹി​ത് ശ​ര്‍​മ വ്യ​ക്ത​മാ​ക്കി​യ​തോ​ടെ​യാ​ണ് ഇ​ന്ത്യ​ന്‍ ആ​രാ​ധ​ക​രു​ടെ പ്ര​തീ​ക്ഷ വാ​നോ​ളം ഉ​യ​ര്‍​ന്ന​ത്.

ഇ​ന്ത്യ​യും പാ​ക്കി​സ്ഥാ​നും ലോ​ക​ക​പ്പി​ല്‍ ഏ​റ്റു​മു​ട്ടു​ന്ന​തി​നെ ഫൈ​ന​ലി​നു തു​ല്യ​മാ​യാ​ണ് ഇ​രു​രാ​ജ്യ​ങ്ങ​ളു​ടെ​യും ആ​രാ​ധ​ക​ര്‍ കാ​ണു​ന്ന​ത്. എ​ന്നാ​ല്‍ ഏ​ക​ദി​ന ലോ​ക​ക​പ്പി​ല്‍ ഇ​തു​വ​രെ ഇ​ന്ത്യ​യെ തോ​ല്‍​പ്പി​ക്കാ​ന്‍ പാ​ക്കി​സ്ഥാ​ന് ക​ഴി​ഞ്ഞി​ട്ടി​ല്ല.

സ​മീ​പ​കാ​ല​ത്താ​യി സൂ​പ്പ​ര്‍​ഫോ​മി​ല്‍ ക​ളി​ക്കു​ന്ന ശു​ഭ്മാ​ൻ ഗി​ല്ലി​ന് ഡെ​ങ്കി​പ്പ​നി​ബാ​ധ​യെ​ത്തു​ട​ര്‍​ന്ന് ലോ​ക​ക​പ്പി​ലെ ആ​ദ്യ ര​ണ്ടു മ​ത്സ​ര​ങ്ങ​ള്‍ ന​ഷ്ട​മാ​യി​രു​ന്നു.

എ​ന്നാ​ല്‍ വ്യാ​ഴാ​ഴ്ച അ​ഹ​മ്മ​ദാ​ബാ​ദി​ല്‍, ടീ​മി​ന്‍റെ ബാ​റ്റിം​ഗ് പ​രി​ശീ​ല​ന​വേ​ള​യി​ല്‍ താ​രം സ​ജീ​വ​മാ​യി​രു​ന്നു. പാ​ക്കി​സ്ഥാ​നെ​തി​രേ ക​ള​ത്തി​ലി​റ​ങ്ങു​ക​യാ​ണെ​ങ്കി​ല്‍ ഗി​ല്ലി​ന്‍റെ ലോ​ക​ക​പ്പ് അ​ര​ങ്ങേ​റ്റ​മാ​കു​മ​ത്.

ഗി​ല്‍ മത്സരത്തിനിറങ്ങാൻ 99 ശ​ത​മാ​നം ഫിറ്റാണെന്ന് രോഹിത് ശർമ വ്യ​ക്ത​മാ​ക്കു​ക​യും ചെ​യ്തു. താ​ര​ത്തി​ന്‍റെ ആ​രോ​ഗ്യം സം​ബ​ന്ധി​ച്ച പ്ര​സ് കോ​ണ്‍​ഫ​റ​ന്‍​സി​നി​ടെ ഉ​യ​ര്‍​ന്ന ചോ​ദ്യ​ത്തി​നു മ​റു​പ​ടി​യാ​യാ​ണ് രോ​ഹി​ത് ഇ​ങ്ങ​നെ പ​റ​ഞ്ഞ​ത്.

ഈ ​വ​ര്‍​ഷം 20 ഏ​ക​ദി​ന​ങ്ങ​ളി​ല്‍ നി​ന്ന് 72.35 ശ​രാ​ശ​രി​യി​ലും 105 പ്ര​ഹ​ര​ശേ​ഷി​യി​ലും 1,230 റ​ണ്‍​സാ​ണ് ഗി​ല്‍ അ​ടി​ച്ചു കൂ​ട്ടി​യ​ത്. ഇ​തി​ല്‍ അ​ഞ്ചു സെ​ഞ്ചു​റി​ക​ളും അ​ഞ്ച് അ​ര്‍​ധ സെ​ഞ്ചു​റി​ക​ളും ഉ​ള്‍​പ്പെ​ടു​ന്നു. ക​രി​യ​റി​ലെ ആ​ദ്യ ഇ​ര​ട്ട സെ​ഞ്ചു​റി കു​റി​ച്ച​തും ഈ ​വ​ര്‍​ഷ​മാ​ണ്. ഈ ​സാ​ഹ​ച​ര്യ​ത്തി​ല്‍ ഗി​ല്ലി​ന്‍റെ മ​ട​ങ്ങി​വ​ര​വ് ഇ​ന്ത്യ​യ്ക്ക് ഏ​റെ ഗു​ണ​ക​ര​മാ​വു​മെ​ന്ന കാ​ര്യ​ത്തി​ല്‍ സം​ശ​യ​മി​ല്ല.