മുംബൈ: മഹാദേവ വാതുവയ്പ്പ് കേസിൽ ബോളിവുഡ് നടൻ രണ്‍ബീർ കപൂർ ഇന്ന് ചോദ്യംചെയ്യലിന് ഹാജരായേക്കില്ല. റായ്പുരിലെ ഇഡി ഓഫീസിലെത്താനാണ് താരത്തിന് നോട്ടീസ് നല്കിയിരുന്നത്. നേരിട്ട് ഹാജരാകുന്നതിന് രണ്ടാഴ്ചത്തെ സാവകാശം നടൻ തേടിയിട്ടുണ്ട്.

രണ്‍ബീറിനൊപ്പം നടി ശ്രദ്ധ കപൂറിനും ഇന്ന് ചോദ്യംചെയ്യലിന് എത്താനുള്ള നോട്ടീസ് നല്കിയിരുന്നു. അവരും ഇന്ന് ഹാജരാകാൻ സാധ്യതയില്ല. ഇരുവർക്കുമൊപ്പം നടിമാരായ ഹുമ ഖുറേഷി, ഹിന ഖാൻ, കോമേഡിയൻ കപിൽ ശർമ എന്നിവർക്കും ഇഡി നോട്ടീസ് നല്കിയിട്ടുണ്ട്. എന്നാൽ ഇതുമായി ബന്ധപ്പെട്ട് ഇതുവരെ ആരും ചോദ്യംചെയ്യലിന് ഹാജരായിട്ടില്ല.

ബോളിവുഡിനെ പിടിച്ചുലച്ച മഹാദേവ ബെറ്റിംഗ് ആപ്പ് കേസുമായി ബന്ധപ്പെട്ട് നിരവധി താരങ്ങളിലേക്ക് അന്വേഷണം നീങ്ങുന്നതായാണ് സൂചന. ആപ്പുമായി ബന്ധപ്പെട്ട പ്രചാരണ പരിപാടികളിൽ ബോളിവുഡ് താരങ്ങൾ എത്തിയിരുന്നു. ആപ്പിന്‍റെ പ്രമോട്ടർമാരിലൊരാളായ സൗരഭ് ചന്ദ്രാകറിന്‍റെ വിവാഹത്തോടനുബന്ധിച്ച് നടന്ന ചടങ്ങുകളിലും താരങ്ങളുടെ സാന്നിധ്യമുണ്ടായിരുന്നു.

താരങ്ങൾക്ക് പരസ്യഇനത്തിൽ കൊടുത്ത പണം ഹവാല ഇടപാട് വഴിയുള്ളതാണെന്ന് ആരോപണമുയർന്നിരുന്നു. ഇതുമായി ബന്ധപ്പെട്ട അന്വേഷണം ഇഡി നടത്തുന്നുണ്ട്. മാത്രമല്ല, ഇത്തരം ആപ്പിന് പ്രചാരണം നല്കുന്നതിന് പിന്നിൽ ഏതെങ്കിലും തരത്തിലുള്ള സാന്പത്തിക ഇടപാടുകൾ ഉണ്ടോ എന്നതടക്കം പല ചോദ്യങ്ങൾക്കും ഉത്തരം കണ്ടെത്താനാണ് ഇഡി ശ്രമിക്കുന്നത്.

നി​ല​വി​ൽ താ​ര​ങ്ങ​ളെ ആ​രെ​യും കേ​സി​ൽ പ്ര​തി​ക​ളാ​യി ഉ​ൾ​പ്പെ​ടു​ത്തി​യി​ട്ടി​ല്ല, എ​ന്നാ​ൽ ആ​പ്പി​ന്‍റെ പ്രൊ​മോ​ട്ട​ർ​മാ​ർ അ​വ​ർ​ക്ക് പ​ണം ന​ല്കി​യ രീ​തി​യെ​യും ഇ​ട​പാ​ടു​ക​ളെ​യും കു​റി​ച്ച് അ​റി​യാ​നാ​ണ് ചോ​ദ്യം ചെ​യ്യ​ൽ.

ര​ൺ​ബീ​ർ ക​പൂ​ർ മ​ഹാദേ​വ ആ​പ്പ് പ്രൊ​മോ​ട്ട് ചെ​യ്യു​ന്ന​തി​നാ​യി നി​ര​വ​ധി പ​ര​സ്യ​ങ്ങ​ൾ ചെ​യ്യു​ക​യും ആ​പ്പി​ന്‍റെ വ​രു​മാ​ന​ത്തി​ൽ നി​ന്ന് വ​ലി​യ തു​ക കൈ​പ്പ​റ്റു​ക​യും ചെ​യ്തി​ട്ടു​ണ്ടെ​ന്നാ​ണ് ഇ​ഡി​യു​ടെ ക​ണ്ടെ​ത്ത​ൽ.

മഹാദേവ ആപ്പ്

അ​ന​ധി​കൃ​ത വാ​തു​വെ​പ്പ് വെ​ബ്‌​സൈ​റ്റു​ക​ൾ​ക്ക് പു​തി​യ ഉ​പ​യോ​ക്താ​ക്ക​ളെ എ​ൻ​റോ​ൾ ചെ​യ്യു​ന്ന​തി​നും യൂ​സ​ർ ഐ​ഡി​ക​ൾ സൃ​ഷ്ടി​ക്കു​ന്ന​തി​നും ബെ​നാ​മി ബാ​ങ്ക് അ​ക്കൗ​ണ്ടു​ക​ളു​ടെ ലേ​യേ​ർ​ഡ് വെ​ബ് വ​ഴി പ​ണം വെ​ളു​പ്പി​ക്കു​ന്ന​തി​നു​മാ​യുള്ള ഓ​ൺ​ലൈ​ൻ പ്ലാ​റ്റ്ഫോ​മു​ക​ൾ പ്ര​ദാ​നം ചെ​യ്യു​ന്ന ഒ​രു വേ​ദി​യാ​ണ് മ​ഹാ​ദേ​വ ആ​പ്പെ​ന്നാ​ണ് ഇ​ഡി ക​ണ്ടെ​ത്ത​ൽ.

ക​മ്പ​നി​യു​ടെ പ്രൊ​മോ​ട്ട​ർ​മാ​രാ​യ സൗ​ര​ഭ് ച​ന്ദ്രാ​ക​റും ര​വി ഉ​പ്പ​ലും ഛത്തീ​സ്ഗ​ഡി​ലെ ഭി​ലാ സ്വ​ദേ​ശി​ക​ളാ​ണ്. ദു​ബാ​യി കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന അ​വ​ർ ഇ​ത്ത​ര​ത്തി​ൽ നാ​ലോ അ​ഞ്ചോ ആ​പ്പു​ക​ൾ പ്ര​വ​ർ​ത്തി​പ്പി​ക്കു​ക​യും പ്ര​തി​ദി​നം 200 കോ​ടി രൂ​പ സ​മ്പാ​ദി​ക്കു​ക​യും ചെ​യ്ത​താ​യി അ​ന്വേ​ഷ​ണ ഏ​ജ​ൻ​സി അ​വ​കാ​ശ​പ്പെ​ട്ടു.

പു​തി​യ ഉ​പ​യോ​ക്താ​ക്ക​ളെ​യും ഫ്രാ​ഞ്ചൈ​സി അ​ന്വേ​ഷി​ക്കു​ന്ന​വ​രെ​യും ആ​ക​ർ​ഷി​ക്കു​ന്ന​തി​നാ​യി വാ​തു​വെ​പ്പ് വെ​ബ്‌​സൈ​റ്റു​ക​ളു​ടെ പ​ര​സ്യ​ത്തി​നാ​യി അ​വ​ർ ഇ​ന്ത്യ​യി​ൽ വ​ൻ​തു​ക ചെ​ല​വ​ഴി​ച്ചി​ട്ടു​ണ്ടെന്നും ഇഡി കണ്ടെത്തി.

മ​ഹാ​ദേ​വ വാ​തു​വെ​പ്പ് ആ​പ്പു​മാ​യി ബ​ന്ധ​പ്പെ​ട്ട് ക​ഴി​ഞ്ഞ മാ​സം മും​ബൈ, കൊ​ൽ​ക്ക​ത്ത, ഭോ​പ്പാ​ൽ എ​ന്നി​വി​ട​ങ്ങ​ളി​ലെ 39 സ്ഥ​ല​ങ്ങ​ളി​ൽ ന​ട​ത്തി​യ റെ​യ്ഡി​ൽ 417 കോ​ടി രൂ​പ​യു​ടെ സ്വ​ത്തു​ക്ക​ൾ ക​ണ്ടു​കെ​ട്ടി​യി​രു​ന്നു.