കൊച്ചി: മാസാരംഭത്തില്‍ സംസ്ഥാനത്ത് സ്വര്‍ണവിലയില്‍ ഇടിവ്. 22 കാരറ്റ് സ്വര്‍ണം പവന് 80 രൂപ കുറഞ്ഞ് 44,040 രൂപയിലെത്തി. ഗ്രാമിന് 10 രൂപ കുറഞ്ഞ് 5,505 രൂപയാണ് വിപണി വില. കഴിഞ്ഞ ദിവസം പവന് 120 രൂപയുടെ വര്‍ധനവാണുണ്ടായത്.

തിരുവോണദിനത്തില്‍ പവന് 240 രൂപയും വര്‍ധിച്ചിരുന്നു. 24 കാരറ്റ് സ്വര്‍ണം പവന് 88 രൂപ കുറഞ്ഞ് 48,040 രൂപയായിട്ടുണ്ട്. ഗ്രാമിന് 11 രൂപ കുറഞ്ഞ് 6,005 രൂപയാണ് വിപണി വില. ഓണദിനങ്ങളില്‍ സ്വര്‍ണവില ഉയരുന്ന പ്രവണതയായിരുന്നു.

ഇന്ന് വെള്ളി വിലയിലും ഇടിവുണ്ടായിട്ടുണ്ട്. ഗ്രാമിന് 50 പൈസ കുറഞ്ഞ് 80.20 രൂപയും എട്ട് ഗ്രാമിന് നാലു രൂപ കുറഞ്ഞ് 641.60 രൂപയുമായിട്ടുണ്ട്. അന്താരാഷ്ട്ര മാര്‍ക്കറ്റില്‍ സ്വര്‍ണവില ഔണ്‍സിന് 1,939.10 യുഎസ് ഡോളറായി.