ഇമിഗ്രേഷൻ ഉദ്യോഗസ്ഥരോട് അപമര്യാദ; കോട്ടയം സ്വദേശിയുടെ യാത്ര തടഞ്ഞു
Wednesday, August 23, 2023 9:58 PM IST
നെടുമ്പാശേരി: രാജ്യാന്തര വിമാനത്താവളത്തിലെ ടി 3 ടെർമിനലിൽ ഇമിഗ്രേഷൻ ഉദ്യോഗസ്ഥരോട് അപമര്യാദയായി പെരുമാറിയ യാത്രക്കാരന്റെ യാത്ര തടഞ്ഞു. കോട്ടയം മാന്നാനം സ്വദേശി ജോഷി (32) യുടെ യാത്രയാണ് തടസപ്പെട്ടത്.
എയർ ഇന്ത്യ എക്സ്പ്രസ് വിമാനത്തിൽ ഷാർജയിലേക്ക് പോകാനാണ് ഇയാളെത്തിയത്. ഇമിഗ്രേഷൻ പരിശോധനയ്ക്കിടെ ഇയാൾ ഉദ്യോഗസ്ഥരോട് തട്ടിക്കയറുകയായിരുന്നു.
ഇമിഗ്രേഷൻ വിഭാഗത്തിന്റെ പരാതിയെ തുടർന്ന് നെടുമ്പാശേരി പോലീസ് എത്തി ഇയാളെ കസ്റ്റഡിയിലെടുത്തു.