കോ​ഴി​ക്കോ​ട്: ആ​ദ്യം ഒ​രു രൂ​പ നി​ക്ഷേ​പി​ച്ച​പ്പോ​ൾ ര​ണ്ടു രൂ​പ തി​രി​കെ ന​ൽ​കി. ആ ​ര​ണ്ട് രൂ​പ​യു​ടെ വി​ശ്വാ​സം വ​ള​ർ​ന്ന് മൂ​ന്നു ല​ക്ഷം രൂ​പ വ​രെ ഡോ​ക്ട​റി​ൽ നി​ന്ന് വാ​ങ്ങി​യെ​ടു​ത്ത​ശേ​ഷം "സി​ഐ​എ​സ്എ​ഫ്' ഉ​ദ്യോ​ഗ​സ്ഥ​ൻ ത​ന്ത്ര​പൂ​ർ​വം മു​ങ്ങി.

ഒ​എ​ൽ​എ​ക്സ് ആ​പ്പി​ലൂ​ടെ വീ​ട് വാ​ട​ക​യ്ക്ക് ന​ൽ​കാ​ൻ ശ്ര​മി​ച്ച കോ​ഴി​ക്കോ​ട്ടെ ഡോ​ക്ട​റാ​ണ് ഇ​ത്ത​ര​ത്തി​ൽ ത​ട്ടി​പ്പി​ന് ഇ​ര​യാ​യ​ത്.

വീ​ട് ഇ​ഷ്ട​പ്പെ​ട്ടു​വെ​ന്ന് പ​റ​ഞ്ഞ് സി​ഐ​എ​സ്എ​ഫ് ഉ​ദ്യോ​ഗ​സ്ഥ​ൻ എ​ന്ന വ്യാ​ജേ​ന ത​ട്ടി​പ്പു​കാ​ര​ൻ വി​രി​ച്ച വ​ല​യി​ലാ​ണ് ഡോ​ക്ട​ർ വീ​ണ​ത്. 90,000 രൂ​പ​യാ​ണ് വീ​ടി​ന് സെ​ക്യു​രി​റ്റി​യാ​യി ഡോ​ക്ട​ർ ആ​വ​ശ്യ​പ്പെ​ട്ട​ത്. നി​ക്ഷേ​പി​ക്കു​ന്ന പ​ണ​ത്തി​ന്‍റെ ഇ​ര​ട്ടി തി​രി​ച്ചു കി​ട്ടു​ന്ന ഒ​രു സ്കീം ​പ​ട്ടാ​ള​ത്തി​ലു​ണ്ടെ​ന്ന് പ​റ​ഞ്ഞ് ഡോ​ക്ട​റെ കൊ​ണ്ട് ആ​ദ്യം കു​റ​ച്ച് പ​ണം "നി​ക്ഷേ​പി​പ്പി​ക്കാ​ൻ' ത​ട്ടി​പ്പു​കാ​ര​ന് ക​ഴി​ഞ്ഞു.

ഇ​തോ​ടെ, ഇ​ര​ട്ടി​ത്തു​ക കി​ട്ടു​മെ​ന്ന പ്ര​തീ​ക്ഷ​യി​ൽ പ​ല ത​വ​ണ​യാ​യി ഡോ​ക്ട​ർ മൂ​ന്ന​ര ല​ക്ഷ​ത്തോ​ളം രൂ​പ അ​ട​ച്ച​താ​യി പോ​ലീ​സ് പ​റ​ഞ്ഞു. ന​യാ പൈ​സ പോ​ലും തി​രി​ച്ചു​കി​ട്ടാ​തെ വ​ന്ന​തോ​ടെ​യാ​ണ് ഡോ​ക്ട​ർ പോ​ലീ​സി​നെ സ​മീ​പി​ച്ച​ത്.

സൈ​ബ​ർ പോ​ലീ​സി​ൽ പ​രാ​തി ന​ൽ​കി​യെ​ങ്കി​ലും മാ​ന​ക്കേ​ട് ഭ​യ​ന്ന് പേ​ര് പു​റ​ത്ത് പ​റ​യാ​ൻ മ​ടി​ക്കു​ക​യാ​ണ് ഡോ​ക്ട​ർ.