സ്റ്റോ​ക്ഹോം: സ്വീ​ഡ​നി​ലെ മാ​ൽ​മോ തു​റ​മു​ഖം ഉ​പ​രോ​ധി​ച്ച് പ്ര​തി​ഷേ​ധം ന​ട​ത്തി​യ സം​ഭ​വ​ത്തി​ൽ പ​രി​സ്ഥി​തി സം​ര​ക്ഷ​ണ പ്ര​വ​ർ​ത്ത​ക ഗ്രെ​റ്റ തു​ൻ​ബെ​ർ​ഗ് പി​ഴ​ശി​ക്ഷ വി​ധി​ച്ച് കോ​ട​തി.

ജൂ​ൺ19-​ന് തു​റ​മു​ഖ​ത്തേ​ക്ക് എ​ണ്ണ​ടാ​ങ്ക​റു​ക​ൾ വ​രു​ന്ന റോ​ഡ് ഗ്രെ​റ്റ​യും സം​ഘ​വും ഉ​പ​രോ​ധി​ച്ച സം​ഭ​വ​ത്തി​ലാ​ണ് ശി​ക്ഷ വി​ധി​ച്ച​ത്. സ്ഥ​ല​ത്ത് നി​ന്ന് പി​രി​ഞ്ഞു​പോ​കാ​ൻ പോ​ലീ​സ് ആ​വ​ശ്യ​പ്പെ​ട്ടി​ട്ടും കൂ​ട്ടാ​ക്കാ​തി​രു​ന്ന കു​റ്റ​ത്തി​നാ​ണ് പി​ഴ വി​ധി​ച്ചി​രി​ക്കു​ന്ന​ത്.

തു​ൻ​ബെ​ർ​ഗി​ന്‍റെ വ​രു​മാ​നം പ​രി​ശോ​ധി​ച്ച ശേ​ഷ​മാ​യി​രി​ക്കും പി​ഴ​ത്തു​ക നി​ശ്ച​യി​ക്കു​ക​യെ​ന്ന് കോ​ട​തി അ​റി​യി​ച്ചു. എ​ന്നാ​ൽ താ​ൻ തെ​റ്റൊ​ന്നും ചെ​യ്തി​ട്ടി​ല്ലെ​ന്നും ടാ​ങ്ക​ർ ത​ട​യ​ൽ അ​നി​വാ​ര്യ​മാ​യ പ്ര​വ​ർ​ത്തി​യാ​ണെ​ന്നു​മാ​ണ് തു​ൻ​ബെ​ർ​ഗ് കോ​ട​തി​യെ അ​റി​യി​ച്ച​ത്.

സ്കൂ​ൾ വി​ദ്യാ​ർ​ഥി​യാ​യി​രി​ക്കെ, 2018-ൽ ​ക്ലാ​സ് ക​ട്ട് ചെ​യ്ത് വെ​ള്ളി​യാ​ഴ്ച​ക​ളി​ൽ പ​രി​സ്ഥി​തി​വാ​ദ പ്ര​തി​ഷേ​ധ​വു​മാ​യി ഇ​റ​ങ്ങി​യാ​ണ് തു​ൻ​ബെ​ർ​ഗ് ലോ​ക​പ്ര​ശ​സ്ത​യാ​യ​ത്.

പ്ര​തി​ഷേ​ധ​ങ്ങ​ളു​ടെ പേ​രി​ൽ തു​ൻ​ബെ​ർ​ഗി​നെ​തി​രെ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി നി​ര​വ​ധി കേ​സു​ക​ൾ ര​ജി​സ്റ്റ​ർ ചെ​യ്തി​ട്ടു​ണ്ട്. എ​ന്നാ​ൽ സ്റ്റോ​ക്ഹോം കോ​ട​തി​യു​ടെ പി​ഴ​ശ‍ി​ക്ഷ​യാ​ണ് അ​വ​ർ​ക്കെ​തി​രാ​യ ആ​ദ്യ "ശി​ക്ഷാ​ന​ട​പ​ടി'.