ബം​ഗ​ളൂ​രു: ക​ടു​ത്ത ഗ​താ​ഗ​ത​കു​രു​ക്ക് മൂ​ലം ശ്വാ​സം​മു​ടു​ന്ന ബം​ഗ​ളൂ​രു ന​ഗ​ര​ത്തി​ൽ ട‌​ണ​ൽ റോ​ഡു​ക​ൾ നി​ർ​മി​ക്കാ​നാ​വു​മോ എ​ന്ന് പ​രി​ശോ​ധി​ക്കാ​നൊ​രു​ങ്ങി സ​ർ​ക്കാ​ർ.

ഉ​പ​മു​ഖ്യ​മ​ന്ത്രി​യും ബം​ഗ​ളൂ​രു ന​ഗ​ര​വി​ക​സ​ന വ​കു​പ്പി​ന്‍റെ ത​ല​വ​നു​മാ​യ ഡി.​കെ. ശി​വ​കു​മാ​റി​ന്‍റെ നേ​തൃ​ത്വ​ത്തി​ൽ വി​ധാ​ൻ​ സൗ​ധ​യി​ൽ ഇ​ന്ന് ചേ​ർ​ന്ന് അ​വ​ലോ​ക​ന യോ​ഗ​ത്തി​ലാ​ണ് ഈ ​നി​ർ​ദേ​ശം ഉ​യ​ർ​ന്ന് വ​ന്ന​ത്.

നി​ല​വി​ലു​ള്ള റോ​ഡു​ക​ളു​ടെ അ​ടി​വ​ശ​ത്ത് കൂ​ടി ട​ണ​ലു​ക​ൾ നി​ർ​മി​ച്ച് ഗ​താ​ഗ​ത​ത്തി​ന് തു​റ​ന്നു​കൊ​ടു​ക്കാ​ൻ സാ​ധി​ക്കു​മോ എ​ന്ന​ത് പ​രി​ശോ​ധി​ക്കാ​ൻ ബം​ഗ​ളൂ​രു വി​ക​സ​ന സ​മി​തി​ക്ക് ശി​വ​കു​മാ​ർ നി​ർ​ദേ​ശം ന​ൽ​കി. വി​ദേ​ശ​രാ​ജ്യ​ങ്ങ​ളി​ൽ പ​ണ്ടു​മു​ത​ലു​ള്ള ഇ​ത്ത​രം ട​ണ​ൽ റോ​ഡു​ക​ൾ പ​ണി​യാ​നാ​യി ഏ​ക​ദേ​ശം 50,000 കോ​ടി രൂ​പ ചെ​ല​വ് വ​രു​മെ​ന്നാ​ണ് ക​രു​തു​ന്ന​ത്.

ട​ണ​ൽ റോ​ഡു​ക​ൾ, ഡ​ബി​ൾ ഡെ​ക്ക​ർ ട​ണ​ൽ റോ​ഡു​ക​ൾ, ഇ​രു​ച​ക്ര വാ​ഹ​ന​ങ്ങ​ൾ​ക്കാ​യി പ്ര​ത്യേ​ക പാ​ത എ​ന്നീ ആ​ശ​യ​ങ്ങ​ൾ പ്രാ​യോ​ഗി​ക​മാ​ണോ​യെ​ന്ന് പ​ഠി​ക്ക​ണ​മെ​ന്ന് സ​ർ​ക്കാ​ർ നി​ർ​ദേ​ശം ന​ൽ​കി.

കൃ​ത്യ​മാ​യ ആ​സൂ​ത്ര​ണ​ത്തോ​ടെ ന​ട​പ്പി​ലാ​ക്കി​യാ​ൽ ഭൂ​മി ഏ​റ്റെ​ടു​ക്ക​ൽ ചെ​ല​വും ഗ​താ​ഗ​ത നി​യ​ന്ത്ര​ണ​ങ്ങ​ളും ഇ​ല്ലാ​തെ ത​ന്നെ ട​ണ​ൽ റോ​ഡു​ക​ൾ പൂ​ർ​ത്തി​ക​രി​ക്കാ​മെ​ന്ന് യോ​ഗ​ത്തി​ന് ശേ​ഷം ശി​വ​കു​മാ​ർ മാ​ധ്യ​മ​ങ്ങ​ളോ​ട് വ്യ​ക്ത​മാ​ക്കി.