അ​ഹ​മ്മ​ദാ​ബാ​ദ്: 2023 സീ​സ​ണ്‍ ഐ​പി​എ​ൽ ട്വ​ന്‍റി-20 ക്രി​ക്ക​റ്റ് ഫൈ​ന​ലി​നു​ള്ള ടി​ക്ക​റ്റെ​ടു​ത്ത് ഗു​ജ​റാ​ത്ത് ടൈ​റ്റ​ൻ​സ്. ര​ണ്ടാം ക്വാ​ളി​ഫ​യ​റി​ൽ മും​ബൈ ഇ​ന്ത്യ​ൻ​സി​നെ 62 റ​ണ്‍​സി​നു വീ​ഴ്ത്തി​യാ​ണ് ഗു​ജ​റാ​ത്ത് ഫൈ​ന​ലി​ൽ എ​ത്തി​യ​ത്. ശു​ഭ്മാ​ൻ ഗി​ല്ലി​ന്‍റെ സെ​ഞ്ചു​റി ക​രു​ത്തി​ലാ​യി​രു​ന്നു ഗു​ജ​റാ​ത്തി​ന്‍റെ ജ​യം. സ്കോ​ർ:- ഗു​ജ​റാ​ത്ത് 233-3 (20), മും​ബൈ 171-10 (18.2)

മ​ഴ​യി​ൽ കു​തി​ർ​ന്ന മൈ​താ​ന​ത്ത് ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റ് ചെ​യ്ത ഗു​ജ​റാ​ത്തി​നാ​യി ശ്ര​ദ്ധ​യോ​ടെ​യാ​ണ് ഓ​പ്പ​ണ​റു​മാ​ർ ബാ​റ്റു​വീ​ശി​യ​ത്. വൃ​ഥി​മാ​ൻ സാ​ഹ​യും (18) ഗി​ല്ലും ചേ​ർ​ന്ന് 54 റ​ണ്‍​സി​ന്‍റെ ഓ​പ്പ​ണിം​ഗ് കൂ​ടു​ക്കെ​ട്ട് പ​ടു​ത്തു​യ​ർ​ത്തു. വൃ​ദ്ധി​മാ​ൻ പു​റ​ത്താ​യ​തോ​ടെ ഗി​ൽ ത​നി​സ്വ​രൂ​പം പു​റ​ത്തെ​ടു​ത്തു.

മും​ബൈ ബൗ​ള​ർ​മാ​രെ ത​ല​ങ്ങും​വി​ല​ങ്ങും പാ​യി​ച്ച ഗി​ൽ നേ​രി​ട്ട 49-ാം പ​ന്തി​ൽ സെ​ഞ്ചു​റി തി​ക​ച്ചു. സീ​സ​ണി​ൽ റ​ണ്‍ വേ​ട്ട​യി​ൽ റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വി​ന്‍റെ ഫാ​ഫ് ഡു​പ്ലെ​സി​യെ (730) മ​റി​ക​ട​ന്ന് ഗി​ൽ ഒ​ന്നാം സ്ഥാ​ന​ത്തെ​ത്തി. 2023 സീ​സ​ണി​ൽ ഗി​ല്ലി​ന്‍റെ മൂ​ന്നാം സെ​ഞ്ചു​റി​യാ​യി​രു​ന്നു. വി​രാ​ട് കോ​ഹ്‌​ലി (2016), ജോ​സ് ബ​ട്‌​ല​ർ (2022) എ​ന്നി​വ​ർ മാ​ത്ര​മാ​ണ് ഒ​രു സീ​സ​ണി​ൽ നാ​ല് സെ​ഞ്ചു​റി വീ​തം നേ​ടി​യ​ത്.

സാ​യ് സു​ദ​ർ​ശ​നും (31 പ​ന്തി​ൽ 43 റി​ട്ട​യേ​ർ​ഡ് ഔ​ട്ട്) ശു​ഭ്മാ​ൻ ഗി​ല്ലും ചേ​ർ​ന്നു​ള്ള ര​ണ്ടാം വി​ക്ക​റ്റ് കൂ​ട്ടു​കെ​ട്ടി​ൽ 138 റ​ണ്‍​സ് പി​റ​ന്നു. 60 പ​ന്തി​ൽ ഏ​ഴ് ഫോ​റും 10 സി​ക്സും ഉ​ൾ​പ്പെ​ടെ 129 റ​ണ്‍​സാ​ണ് ഗി​ൽ അ​ടി​ച്ചു​കൂ​ട്ടി​യ​ത്. ഹാ​ർ​ദി​ക് പാ​ണ്ഡ്യ (13 പ​ന്തി​ൽ 28 ) പു​റ​ത്താ​കാ​തെ​നി​ന്നു.

മ​റു​പ​ടി ബാ​റ്റിം​ഗി​നി​റ​ങ്ങി​യ മും​ബൈ​യ്ക്ക് തു​ട​ക്ക​ത്തി​ൽ ത​ന്നെ തി​രി​ച്ച​ടി നേ​രി​ട്ടു. ആ​ദ്യ ഓ​വ​റി​ൽ​ത​ന്നെ ഓ​പ്പ​ണ​ർ നെ​ഹാ​ൽ വ​ധേ​ര (4) വീ​ണു. പി​ന്നാ​ലെ നാ​യ​ക​ൻ രോ​ഹി​ത്ത് ശ​ർ​മ​യും (8) പ​വ​ലി​യ​ൻ ക​യ​റി. മു​ഹ​മ്മദ് ഷ​മി​ക്കാ​യി​രു​ന്നു ര​ണ്ട് വി​ക്ക​റ്റു​ക​ളും.

പി​ന്നീ​ട് കാ​മ​റൂ​ണ്‍ ഗ്രീ​നും സൂ​ര്യ​കു​മാ​ർ യാ​ദ​വും ചേ​ർ​ന്ന് സ്കോ​ർ ഉ​യ​ർ​ത്തി. ഇ​തി​നി​ടെ പ​രി​ക്കേ​റ്റ് ഗ്രീ​ൻ ക​ളം വി​ട്ടു. ഇ​തോ​ടെ ക​ള​ത്തി​ലെ​ത്തി​യ തി​ല​ക് വ​ർ​മ​യെ ഒ​പ്പം ചേ​ർ​ത്ത് സൂ​ര്യ​കു​മാ​ർ യാ​ദ​വ് സ്കോ​റിം​ഗ് വേ​ഗ​ത്തി​ലാ​ക്കി. 14 പ​ന്തി​ൽ 43 റ​ണ്‍​സെ​ടു​ത്ത തി​ല​ക് വ​ർ​മ​യെ റാ​ഷി​ദ് ഖാ​ൻ വീ​ഴ്ത്തി​യ​തോ​ടെ ഗ്രീ​ൻ വീ​ണ്ടും ക​ള​ത്തി​ലെ​ത്തി.

സൂ​ര്യ​കു​മാ​റി​നൊ​പ്പം ചേ​ർ​ന്ന് സ്കോ​ർ ഉ​യ​ർ​ത്താ​നു​ള്ള ശ്ര​മ​ത്തി​നി​ടെ ജോ​ഷ്വ ലി​റ്റി​ലി​ന്‍റെ പ​ന്തി​ൽ ഗ്രീ​നും വീ​ണു. 20 പ​ന്തി​ൽ 30 റ​ണ്‍​സാ​യി​രു​ന്നു ഗ്രീ​ന്‍റെ സ​ന്പാ​ദ്യം. പി​ന്നീ​ട് ഒ​റ്റ​യാ​ൻ പോ​രാ​ട്ട​ത്തി​ന് സൂ​ര്യ​കു​മാ​ർ യാ​ദ​വ് ശ്ര​മി​ച്ചെ​ങ്കി​ലും മോ​ഹി​ത് ശ​ർ​മ​യു​ടെ പ​ന്തി​നു മു​ന്നി​ൽ സൂ​ര്യ​കു​മാ​ർ യാ​ദ​വി​നും ക​ണ​ക്ക് പി​ഴ​ച്ചു. 38 പ​ന്തി​ൽ 61 റ​ണ്‍​സു​മാ​യി സൂ​ര്യ​കു​മാ​ർ യാ​ദ​വ് മ​ട​ങ്ങി​യ​തോ​ടെ ഗു​ജ​റാ​ത്തി​ന് കാ​ര്യ​ങ്ങ​ൾ എ​ളു​പ്പ​മാ​യി. പി​ന്നീ​ട് ക​ള​ത്തി​ലെ​ത്തി​യ ആ​ർ​ക്കും ര​ണ്ട​ക്കം കാ​ണാ​ൻ ക​ഴി​ഞ്ഞി​ല്ല. ഫി​ൽ​ഡിം​ഗി​നി​ടെ പ​രി​ക്കേ​റ്റ് ഇ​ഷാ​ൻ കി​ഷ​ൻ മ​ട​ങ്ങി​യ​തും മും​ബൈ​യ്ക്ക് തി​രി​ച്ച​ടി​യാ​യി.

ഗു​ജ​റാ​ത്തി​നാ​യി 2.2 ഓ​വ​റി​ൽ 10 റ​ണ്‍​സ് വ​ഴ​ങ്ങി മോ​ഹി​ത് ശ​ർ​മ അ​ഞ്ച് വി​ക്ക​റ്റ് വീ​ഴ്ത്തി. ഷ​മി​യും റാ​ഷി​ദ് ഖാ​നും ര​ണ്ട് വി​ക്ക​റ്റ് വീ​ത​വും നേ​ടി.

ജ​യ​ത്തോ​ടെ ഞാ​യ​റാ​ഴ്ച ന​ട​ക്കു​ന്ന ഫൈ​ന​ലി​ൽ ഹാ​ർ​ദി​ക് പാ​ണ്ഡ്യ ന​യി​ക്കു​ന്ന ഗു​ജ​റാ​ത്ത് മ​ഹേ​ന്ദ്ര സിം​ഗ് ധോ​ണി​യു​ടെ ചെ​ന്നൈ സൂ​പ്പ​ർ കിം​ഗ്സി​നെ നേ​രി​ടും.