പത്തനംതിട്ട: സ്കൂൾ വാർഷികത്തോട് അനുബന്ധിച്ച് നടന്ന ഘോഷയാത്രയ്ക്കിടെ കുട്ടികൾക്കും മുതിർന്നവർക്കും കടന്നൽ കുത്തേറ്റു. പത്തനംതിട്ട വടശേരിക്കരയിലെ ബംഗ്ലാ കടവ് സർക്കാർ സ്കൂളിലാണ് സംഭവം.

ബംഗ്ലാ കടവ് പാലത്തിലൂടെ ഘോഷയാത്ര കടന്നുപോകുമ്പോഴാണ് സമീപത്തെ മരത്തിലെ കടന്നൽകൂട് ഇളകിയത്. മൂന്ന് കുട്ടികൾ അടക്കം 40 പേർക്കാണ് കടന്നൽ കുത്തേറ്റത്. ഇവരെ റാന്നി താലൂക്ക് ആശുപത്രിയിൽ പ്രവേശിപ്പിച്ചു.