സൂപ്പർ കപ്പ്: ഗോകുലം ഇന്ന് കളത്തിൽ, എതിരാളി എടികെ മോഹൻ ബഗാൻ
Monday, April 10, 2023 3:15 AM IST
കോഴിക്കോട്: 2023 സൂപ്പർ കപ്പ് ഫുട്ബോളിൽ ഗോകുലം കേരള എഫ്സി ഇന്ന് കളത്തിൽ. ഐഎസ്എൽ വന്പന്മാരായ എടികെ മോഹൻ ബഗാനാണു ഗോകുലം കേരളയുടെ എതിരാളി. കോഴിക്കോട് കോർപറേഷൻ സ്റ്റേഡിയത്തിൽ തിങ്കളാഴ്ച ഉച്ചകഴിഞ്ഞ് അഞ്ചിനാണു കിക്കോഫ്.
ഗ്രൂപ്പ് സിയിലെ ആദ്യ മത്സരമാണിത്. യോഗ്യതാ റൗണ്ടിൽ മുഹമ്മദൻ എസ് സിയെ 2-5നു തകർത്താണു ഗോകുലം കേരള എത്തുന്നത്. ഗ്രൂപ്പിലെ മറ്റൊരു മത്സരത്തിൽ എഫ്സി ഗോവയും ജംഷഡ്പുർ എഫ്സിയും രാത്രി 8.30ന് ഏറ്റുമുട്ടും.