ന്യൂ​യോ​ർ​ക്ക്: അ​വി​ഹി​ത​ബ​ന്ധം മ​റ​ച്ചു​വെ​ക്കാ​ന്‍ പോ​ണ്‍ സി​നി​മാ​ന​ടി​ക്ക്‌ പ​ണം​ന​ല്‍​കി​യെ​ന്ന കേ​സി​ല്‍ കു​റ്റം നി​ഷേ​ധി​ച്ച് മു​ൻ യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. ട്രം​പി​നെ​തി​രെ 34 കു​റ്റ​ങ്ങ​ളാ​ണ് കോ​ട​തി ചു​മ​ത്തി​യ​ത്. കേ​സി​ൽ കു​റ്റ​പ​ത്രം വാ​യി​ച്ചു​കേ​ട്ട ട്രം​പ് ആ​രോ​പ​ണ​ങ്ങ​ൾ നി​ഷേ​ധി​ച്ചു. വാ​ദം പൂ​ർ​ത്തി​യാ​ക്കി​യ ശേ​ഷം മ​ട​ങ്ങി​യ ട്രം​പ് മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ങ്ങ​ളോ​ട് പ്ര​തി​ക​രി​ച്ചി​ല്ല.

അ​വി​ഹി​ത​ബ​ന്ധം പു​റ​ത്തു​പ​റ​യാ​തി​രി​ക്കാ​ൻ നീ​ല​ച്ചി​ത്ര ന​ടി സ്റ്റോ​മി ഡാ​നി​യ​ൽ​സി​ന് 1,30,000 ഡോ​ള​ർ ന​ല്കി​യെ​ന്നാ​ണ് കേ​സി​ലാ​ണ് ട്രം​പി​നെ അ​റ​സ്റ്റ് ചെ​യ്ത് കോ​ട​തി​യി​ൽ ഹാ​ജ​രാ​ക്കി​യ​ത്. ട്രം​പ് ചൊ​വ്വാ​ഴ്ച ന്യൂ​യോ​ർ​ക്കി​ലെ ലോ​വ​ർ മാ​ൻ​ഹാ​ട്ട​നി​ലു​ള്ള കോ​ട​തി സ​മു​ച്ച​യ​ത്തി​ലെ​ത്തി അ​ന്വേ​ഷ​ണ ഉ​ദ്യേ​ഗ​സ്ഥ​നാ​യ മാ​ൻ​ഹാ​ട്ട​ൻ ഡി​സ്ട്രി​ക്റ്റ് അ​റ്റോ​ർ​ണി ആ​ൽ​വി​ൻ ബ്രാ​ഗി​നു മു​ന്നി​ൽ കീ​ഴ​ട​ങ്ങു​ക​യാ​യി​രു​ന്നു.

ട്രം​പി​ന്‍റെ വി​ര​ല​ട​യാ​ളം രേ​ഖ​പ്പെ​ടു​ത്തി​യ​തോ​ടെ അ​ദ്ദേ​ഹം ഔ​ദ്യോ​ഗി​ക​മാ​യി അ​റ​സ്റ്റി​ലാ​യി. തു​ട​ർ​ന്ന് ട്രം​പി​നെ സ​മീ​പ​മു​ള്ള ന്യൂ​യോ​ർ​ക്ക് കൗ​ണ്ടി ക്രി​മി​ന​ൽ കോ​ട​തി​യി​ൽ ഹാ​ജ​രാ​ക്കു​ക​യാ​യി​രു​ന്നു. പ​ണം ന​ല്കി​യ​തി​ൽ തെ​റ്റി​ല്ലെ​ങ്കി​ലും അ​തു വ​ക്കീ​ൽ ഫീ​സെ​ന്ന ഇ​ന​ത്തി​ൽ വ​ക​യി​രു​ത്തി​യ​ത് ബി​സി​ന​സ് രേ​ഖ​ക​ളി​ൽ കൃ​ത്രി​മ​ത്വം കാ​ണി​ക്ക​ലാ​ണ് എ​ന്ന​താ​ണ് കേ​സി​നാ​ധാ​രം.

ട്രം​പ് ട​വ​റി​നും കോ​ട​തി​ക്കും സ​മീ​പം വ​ൻ മാ​ധ്യ​മ​പ്പ​ട ത​ന്പ​ടി​ച്ചി​രു​ന്നു. കോ​ട​തി​ക്കു പു​റ​ത്ത് ട്രം​പി​ന്‍റെ അ​നു​യാ​യി​ക​ളും എ​തി​രാ​ളി​ക​ളും ത​മ്മി​ൽ ചെ​റി​യ ഏ​റ്റു​മു​ട്ട​ലു​ണ്ടാ​യി. അ​മേ​രി​ക്ക​യി​ൽ അ​ധി​കാ​ര​മൊ​ഴി​ഞ്ഞ​തോ ഭ​ര​ണ​ത്തി​ലി​രി​ക്കു​ന്ന​തോ ആ​യ പ്ര​സി​ഡ​ന്‍റ് ക്രി​മി​ന​ൽ വി​ചാ​ര​ണ നേ​രി​ടു​ന്ന​ത് ഇ​താ​ദ്യ​മാ​ണ്.

ഫ്ലോ​റി​ഡ​യി​ലാ​യി​രു​ന്ന ട്രം​പ് തി​ങ്ക​ളാ​ഴ്ച​യാ​ണ് സ്വ​ന്തം വി​മാ​ന​ത്തി​ൽ ന്യൂ​യോ​ർ​ക്കി​ലെ​ത്തി​യ​ത്. സ്വ​ന്തം ഉ​ട​മ​സ്ഥ​ത​യി​ലു​ള്ള ട്രം​പ് ട​വ​റി​ൽ ത​ങ്ങി​യ അ​ദ്ദേ​ഹം നി​യ​മ​വി​ദ​ഗ്ധ​രു​മാ​യി വ​ലി​യ ആ​ലോ​ച​ന​ക​ൾ ന​ട​ത്തി​യ​ശേ​ഷ​മാ​ണ് കോ​ട​തി​യി​ലേ​ക്കു വ​ന്ന​ത്. ട്രം​പ് ട​വ​റി​ൽ​നി​ന്ന് കോ​ട​തി​യി​ലേ​ക്കു​ള്ള അ​ദ്ദേ​ഹ​ത്തി​ന്‍റെ യാ​ത്ര​യി​ൽ സീ​ക്ര​ട്ട് സ​ർ​വീ​സും പോ​ലീ​സും വ​ഴി​ക​ളെ​ല്ലാ​മ​ട​ച്ച് സു​ര​ക്ഷ​യൊ​രു​ക്കി.

ന​ഗ​ര​ത്തി​ലു​ട​നീ​ളം ട്രം​പി​ന്‍റെ അ​നു​യാ​യി​ക​ളും എ​തി​രാ​ളി​ക​ളും സം​ഘ​ടി​ച്ചി​രു​ന്നു. ഏ​തു സാ​ഹ​ച​ര്യ​വും നേ​രി​ടാ​നാ​യി യൂ​ണി​ഫോ​മി​ൽ 35,000 പോ​ലീ​സു​കാ​രെ ത​യാ​റാ​ക്കി നി​ർ​ത്തി​യി​രു​ന്നു.

2016ലെ ​പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ ട്രം​പ് മ​ത്സ​രി​ക്കാ​നൊ​രു​ങ്ങ​വേ​യാ​ണ് സ്റ്റോ​മി ഡാ​നി​യ​ൽ​സ് രം​ഗ​ത്തു​വ​ന്ന​ത്. 2006ൽ ​ട്രം​പു​മാ​യി ബ​ന്ധ​പ്പെ​ട്ടി​ട്ടു​ണ്ടെ​ന്നു പ​റ​ഞ്ഞ സ്റ്റോ​മി​യെ നി​ശ​ബ്ദ​യാ​ക്കാ​നാ​യി ട്രം​പി​ന്‍റെ അ​ഭി​ഭാ​ഷ​ക​ൻ മൈ​ക്കി​ൾ കോ​ഹ​ൻ ആ​ണ് പ​ണം ന​ല്കി​യ​ത്. സ്റ്റോ​മി​യു​മാ​യി ബ​ന്ധ​പ്പെ​ട്ടി​ട്ടി​ല്ലെ​ന്നും ത​ന്നെ രാ​ഷ്‌​ട്രീ​യ​മാ​യി വേ​ട്ട​യാ​ടു​ക​യാ​ണെ​ന്നു​മാ​ണ് ട്രം​പ് പ​റ​യു​ന്ന​ത്.