അ​മൃ​ത്സ​ർ: വി​ഘ​ട​ന​വാ​ദി നേ​താ​വ് അ​മൃ​ത്പാ​ൽ സിം​ഗി​നൊ​പ്പം പോ​ലീ​സി​ന്‍റെ ക​ണ്ണു​വെ​ട്ടി​ച്ച് ര​ക്ഷ​പെ​ട്ട അ​ടു​ത്ത അ​നു​യാ​യി​യെ പോ​ലീ​സ് അ​റ​സ്റ്റ് ചെ​യ്തു. ജോ​ഗ സിം​ഗ് എ​ന്ന​യാ​ളെ​യാ​ണ് ലു​ധി​യാ​ന​യി​ലെ സോ​നെ​വാ​ള്‍ എ​ന്ന സ്ഥ​ല​ത്ത് നി​ന്നും പോ​ലീ​സ് പി​ടി​കൂ​ടി​യ​ത്.

അ​മൃ​ത്പാ​ൽ സിം​ഗി​നും അ​ദ്ദേ​ഹ​ത്തിന്‍റെ ഖാ​ലി​സ്ഥാ​ൻ അ​നു​കൂ​ല സം​ഘ​ട​ന​യാ​യ വാ​രി​സ് പ​ഞ്ചാ​ബ് ദേ​ക്കു​മെ​തി​രെ പോ​ലീ​സ് ന​ട​പ​ടി ആ​രം​ഭി​ച്ച​പ്പോ​ൾ, ത​ന്‍റെ ഡ്രൈ​വ​ർ ജോ​ഗ സിം​ഗി​നും കൂ​ട്ടാ​ളി പ​പ്പ​ൽ​പ്രീ​തി​നു​മൊ​പ്പ​മാ​ണ് അ​മൃ​ത്പാ​ൽ ഒ​ളി​വി​ൽ പോ​യ​ത്.

പോ​ലീ​സി​നെ തെ​റ്റി​ദ്ധ​രി​പ്പി​ക്കാ​ൻ മൊ​ബൈ​ൽ ഫോ​ൺ ഓ​ണാ​ക്കി യാ​ത്ര​ചെ​യ്യാ​ൻ ജോ​ഗ സിം​ഗി​നോ​ട് അ​മൃ​ത​പാ​ൽ സിം​ഗ് ആ​വ​ശ്യ​പ്പെ​ട്ടി​രു​ന്നു. ജോ​ഗ സിം​ഗി​ന്‍റെ ഫോ​ൺ സി​ഗ്ന​ൽ കേ​ന്ദ്രീ​ക​രി​ച്ചാ​ണ് പ​ഞ്ചാ​ബ് പോ​ലീ​സ് അ​മൃ​ത്പാ​ലി​നെ ട്രാ​ക്ക് ചെ​യ്ത​ത്.

ജോ​ഗ സിം​ഗി​നെ പോ​ലീ​സു​കാ​ർ പി​ടി​കൂ​ടി​യ​പ്പോ​ൾ അ​യാ​ൾ ത​നി​ച്ചാ​യി​രു​ന്നു. ഈ ​സ​മ​യം​കൊ​ണ്ട് അ​മൃ​ത്പാ​ലി​ന് മ​റ്റൊ​രു​സ്ഥ​ല​ത്തേ​ക്ക് സു​ര​ക്ഷി​ത​നാ​യി പോ​കാ​നും ക​ഴി​ഞ്ഞു.

അ​തേ​സ​മ​യം, ക​ഴി​ഞ്ഞ 14 ദി​വ​സ​ങ്ങ​ളാ​യി അ​മൃ​ത്പാ​ൽ സിം​ഗ് ഒ​ളി​വി​ലാ​ണ്. പോ​ലീ​സി​ന് മു​ൻ​പി​ൽ കീ​ഴ​ട​ങ്ങി​ല്ലെ​ന്ന് ചൂ​ണ്ടി​ക്കാ​ട്ടി അ​ദ്ദേ​ഹം വീ​ഡി​യോ പ​ങ്കു​വ​ച്ചി​ട്ടു​മു​ണ്ട്.