ക​ണ്ണൂ​ര്‍: ക്വ​ട്ടേ​ഷ​ൻ, സ്വ​ർ​ണ​ക്ക​ട​ത്ത് തു​ട​ങ്ങി​യ കേ​സു​ക​ളി​ൽ പ്ര​തി​യാ​യ ആ​കാ​ശ് തി​ല്ല​ങ്കേ​രി അ​റ​സ്റ്റി​ൽ. കാ​പ്പ ചു​മ​ത്തി​യാ​ണ് ആ​കാ​ശി​നെ മു​ഴ​ക്കു​ന്ന് പോ​ലീ​സ് അ​റ​സ്റ്റ് ചെ​യ്ത​ത്. ആ​കാ​ശി​നെ​തി​രാ​യ നാ​ല് വ​ർ​ഷ​ത്തെ കേ​സു​ക​ൾ പ​രി​ശോ​ധി​ച്ച ശേ​ഷ​മാ​യി​രു​ന്നു പോ​ലീ​സ് ന​ട​പ​ടി.

പ്ര​കോ​പ​ന​പ​ര​മാ​യ പ്ര​സം​ഗം, സ്ത്രീ​ത്വ​ത്തെ അ​പ​മാ​നി​ക്ക​ല്‍ തു​ട​ങ്ങി​യ കു​റ്റ​ങ്ങ​ള്‍ ആ​കാ​ശി​നെ​തി​രെ നി​ല​വി​ലു​ണ്ട്. ജി​ല്ലാ ക​ള​ക്ട​റു​ടെ പ്ര​ത്യേ​ക ഉ​ത്ത​ര​വ് പ്ര​കാ​ര​മാ​ണ് അ​റ​സ്റ്റ്. പോ​ലീ​സ് മേ​ധാ​വി​യു​ടെ ശി​പാ​ര്‍​ശ പ്ര​കാ​ര​മാ​ണ് ക​ള​ക്ട​ര്‍ അ​റ​സ്റ്റി​ന് ഉ​ത്ത​ര​വി​ട്ട​ത്.

ഷു​ഹൈ​ബ് വ​ധ​ക്കേ​സി​ല്‍ ഒ​ന്നാം പ്ര​തി​യാ​ണ് ആ​കാ​ശ്. മ​റ്റു കേ​സു​ക​ളി​ല്‍ അ​ക​പ്പെ​ട​രു​തെ​ന്ന് ചൂ​ണ്ടി​ക്കാ​ട്ടി​യാ​ണ് ഷു​ഹൈ​ബ് കേ​സി​ല്‍ ആ​കാ​ശി​ന് ജാ​മ്യം അ​നു​വ​ദി​ച്ചി​രു​ന്ന​ത്. ഇ​തി​നി​ടെ​യാ​ണ് ഡി​വൈ​എ​ഫ്‌​ഐ വ​നി​താ നേ​താ​വി​നെ അ​പ​മാ​നി​ച്ച​തു​മാ​യി ബ​ന്ധ​പ്പെ​ട്ട കേ​സി​ല്‍ ആ​കാ​ശ് പ്ര​തി​യാ​യ​ത്.

ജാ​മ്യ​വ്യ​വ​സ്ഥ​ക​ള്‍ ലം​ഘി​ച്ചെ​ന്ന് കാ​ട്ടി ആ​കാ​ശി​ന്‍റെ ജാ​മ്യം റ​ദ്ദ് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് പ്രോ​സി​ക്യൂ​ഷ​ന്‍ സ​മ​ര്‍​പ്പി​ച്ച ഹ​ര്‍​ജി ചൊ​വ്വാ​ഴ്ച കോ​ട​തി പ​രി​ഗ​ണി​ക്കാ​നി​രി​ക്കെ​യാ​ണ് അ​റ​സ്റ്റ്.

അ​ടു​ത്തി​ടെ ആ​കാ​ശ് തി​ല്ല​ങ്കേ​രി​യും സം​ഘ​വും സാ​മൂ​ഹ്യ മാ​ധ്യ​മ​ങ്ങ​ളി​ലൂ​ടെ ന​ട​ത്തു​ന്ന പ്ര​ചാ​ര​ണ​ങ്ങ​ള്‍​ക്കെ​തി​രെ സി​പി​എം രം​ഗ​ത്തു​വ​ന്നി​രു​ന്നു. ആ​കാ​ശ് തി​ല്ല​ങ്കേ​രി​ക്ക് സി​പി​എ​മ്മു​മാ​യി ബ​ന്ധ​മി​ല്ലെ​ന്നും പാ​ര്‍​ട്ടി പു​റ​ത്താ​ക്കി​യ​താ​ണെ​ന്നും ക​ണ്ണൂ​ര്‍ ജി​ല്ലാ സെ​ക്ര​ട്ട​റി എം.​വി. ജ​യ​രാ​ജ​ന്‍ പ​റ​ഞ്ഞി​രു​ന്നു.

സാ​മൂ​ഹ്യ മാ​ധ്യ​മ​ങ്ങ​ളി​ല്‍ ഇ​രു വി​ഭാ​ഗ​ങ്ങ​ള്‍ ചേ​രി​തി​രി​ഞ്ഞ് വാ​ക്‌​പ്പോ​ര് ന​ട​ത്തി​യ​തി​ന് പി​ന്നാ​ലെ, സി​പി​എം തി​ല്ല​ങ്കേ​രി​യി​ല്‍ രാ​ഷ്ട്രീ​യ വി​ശ​ദീ​ക​ര​ണ യോ​ഗം ന​ട​ത്തി​യി​രു​ന്നു.