കോ​ട്ട​യം: കാ​ൽ​വ​രി​യി​ലെ മ​ഹാ​ത്യാ​ഗ​ത്തി​ന്‍റെ സ്മ​ര​ണ​യി​ൽ ലോ​ക​മെ​മ്പാ​ടു​മു​ള്ള ക്രൈ​സ്ത​വ​ർ ഇ​ന്ന് ദുഃ​ഖ​വെ​ള്ളി ആ​ച​രി​ക്കു​ന്നു. മാ​ന​വ​ര​ക്ഷ​യ്ക്കാ​യി കു​രി​ശി​ൽ ജീ​വ​ൻ അ​ർ​പ്പി​ച്ച ക്രി​സ്തു​വി​ന്‍റെ ഉ​ദാ​ത്ത​മാ​യ സ്നേ​ഹ​ത്തി​ന്‍റെ​യും ത്യാ​ഗ​ത്തി​ന്‍റെ​യും സ്മ​ര​ണ പു​തു​ക്കി ദേ​വാ​ല​യ​ങ്ങ​ളി​ൽ ഇ​ന്നു ദുഃ​ഖ​വെ​ള്ളി​യു​ടെ തി​രു​ക്ക​ർ​മ​ങ്ങ​ൾ ന​ട​ക്കും.

പീ​ഡാ​നു​ഭ​വ ച​രി​ത്ര​വാ​യ​ന​യും വി​ശു​ദ്ധ​കു​രി​ശി​ന്‍റെ ചും​ബ​ന​വും, പീ​ഡാ​നു​ഭ​വ ദി​ന​ത്തി​ന്‍റെ സ​ന്ദേ​ശ​വും തു​ട​ർ​ന്ന് പ​രി​ഹാ​ര​പ്ര​ദ​ക്ഷി​ണ​വും ന​ട​ക്കും. നോ​ന്പി​ന്‍റെ​യും ഉ​പ​വാ​സ​ത്തി​ന്‍റെ​യും ദി​ന​ങ്ങ​ളി​ലൂ​ടെ ആ​ത്മ​വി​ശു​ദ്ധീ​ക​ര​ണ​ത്തി​ന്‍റെ ചൈ​ത​ന്യ​ത്തി​ലേ​ക്കു ക​ട​ന്നു​വ​ന്ന വി​ശ്വാ​സ സ​മൂ​ഹം ക്രൂ​ശി​ത​നു പി​ന്നാ​ലെ പ്രാ​ർ​ഥ​നാ​മ​ന്ത്ര​ങ്ങ​ളു​മാ​യി കു​രി​ശി​ന്‍റെ വ​ഴി​യി​ലെ 14 സ്ഥ​ല​ങ്ങ​ളെ​യും ധ്യാ​നി​ച്ചാ​ണ് പ​രി​ഹാ​ര പ്ര​ദ​ക്ഷി​ണം.

പ്ര​ധാ​ന ടൗ​ണു​ക​ളി​ൽ വി​വി​ധ ദേ​വാ​ല​യ​ങ്ങ​ളു​ടെ സം​യു​ക്താ​ഭി​മു​ഖ്യ​ത്തി​ൽ കു​രി​ശി​ന്‍റെ വ​ഴി ക്ര​മീ​ക​രി​ച്ചി​ട്ടു​ണ്ട്. നേ​ർ​ച്ച​ക്ക​ഞ്ഞി വി​ത​ര​ണ​ത്തോ​ടെ​യാ​ണ് ശു​ശ്രൂ​ഷ​ക​ൾ പൂ​ർ​ത്തീ​ക​രി​ക്കു​ന്ന​ത്.

സ‌ീ​റോ മ​ല​ബാ​ർ സ​ഭ മേ​ജ​ർ ആ​ർ​ച്ച് ബി​ഷ​പ്പ് മാ​ർ റാ​ഫേ​ൽ ത​ട്ടി​ൽ കോ​ല​ഞ്ചേ​രി ക്വീ​ൻ മേ​രീ​സ് ക​ത്തോ​ലി​ക്കാ ദേ​വാ​ല​യ​ത്തി​ൽ തി​രു​ക്ക​ർ​മ​ങ്ങ​ൾ​ക്ക് കാ​ർ​മി​ക​ത്വം വ​ഹി​ക്കും.

ഓ​ർ​ത്ത​ഡോ​ക്സ് സ​ഭ അ​ധ്യ​ക്ഷ​ൻ മാ​ർ​ത്തോ​മ മാ​ത്യൂ​സ് തൃ​തീ​യ​ൻ കാ​തോ​ലി​ക ബാ​വ വാ​ഴൂ​ർ സെ​ന്‍റ് പീ​റ്റേ​ഴ്സ് ദേ​വാ​ല​യ​ത്തി​ലെ ശു​ശ്രൂ​ഷ​ക​ൾ​ക്ക് മു​ഖ്യ​കാ‍​ർ​മി​ക​ത്വം വ​ഹി​ക്കും. യാ​ക്കോ​ബാ​യ സ​ഭ അ​ധ്യ​ക്ഷ​ൻ ജോ​സ​ഫ് പ്ര​ഥ​മ​ൻ കാ​തോ​ലി​ക ബാ​വ മ​ണ​ർ​കാ​ട് സെ​ന്‍റ് മേ​രീ​സ് ദേ​വാ​ല​യ​ത്തി​ലെ ച​ട​ങ്ങു​ക​ളി​ൽ പ​ങ്കെ​ടു​ക്കും.

ശ​നി​യാ​ഴ്ച ദുഃ​ഖ​ശ​നി​യോ​ട​നു​ബ​ന്ധി​ച്ച പ്ര​ത്യേ​ക പ്രാ​ർ​ഥ​ന​ക​ളും പു​ത്ത​ൻ തീ, ​വെ​ള്ളം എ​ന്നി​വ​യു​ടെ വെ​ഞ്ച​രി​പ്പും ദേ​വാ​ല​യ​ങ്ങ​ളി​ൽ ന​ട​ക്കും. ഉ​യി​ർ​പ്പ് ശു​ശ്രൂ​ഷ​ക​ൾ​ക്ക് ശ​നി​യാ​ഴ്ച രാ​ത്രി തു​ട​ക്ക​മാ​കും.

മ​ല​യാ​റ്റൂ​ര്‍ സെ​ന്‍റ് തോ​മ​സ് പ​ള്ളി​യി​ല്‍ ക​ഴി​ഞ്ഞ വ​ര്‍​ഷ​ത്തേ​ക്കാ​ള്‍ വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ആ​യി​ര​ക്ക​ണ​ക്കി​ന് വി​ശ്വാ​സി​ക​ളാ​ണ് ദുഃ​ഖ​വെ​ള്ളി ദി​ന​ത്തി​ൽ കു​രി​ശു​മ​ല ക​യ​റു​ന്ന​ത്.