കൊ​ച്ചി: സം​സ്ഥാ​ന​ത്ത് സ​ക​ല റി​ക്കാ​ർ​ഡു​ക​ളും പ​ഴ​ങ്ക​ഥ​യാ​ക്കി സ്വ​ർ​ണ​ക്കു​തി​പ്പ്. ചൊ​വ്വാ​ഴ്ച ച​രി​ത്ര​ത്തി​ലാ​ദ്യ​മാ​യി 68,000 രൂ​പ ഭേ​ദി​ച്ച പ​വ​ൻ​വി​ല​യി​ൽ ഇ​ന്ന് ഒ​റ്റ​യ​ടി​ക്ക് 400 രൂ​പ​യാ​ണ് വ​ർ​ധി​ച്ച​ത്. ഗ്രാ​മി​ന് 50 രൂ​പ​യും വ​ർ​ധി​ച്ചു. ഇ​തോ​ടെ, ഒ​രു പ​വ​ൻ സ്വ​ർ​ണ​ത്തി​ന് 68,480 രൂ​പ​യി​ലും ഗ്രാ​മി​ന് 8,560 രൂ​പ​യി​ലു​മാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്. 18 കാ​ര​റ്റ് സ്വ​ർ​ണ​വി​ല​യും ഗ്രാ​മി​ന് 40 രൂ​പ ഉ​യ​ർ​ന്ന് സ​ർ​വ​കാ​ല റി​ക്കാ​ർ​ഡാ​യ 7,060 രൂ​പ​യാ​യി.

ക​ഴി​ഞ്ഞ മാ​സം 20ന് 66,480 ​രൂ​പ​യാ​യി ഉ​യ​ര്‍​ന്ന് സ​ര്‍​വ​കാ​ല റി​ക്കാ​ര്‍​ഡ് ഇ​ട്ട​തി​ന് പി​ന്നാ​ലെ അ​ടു​ത്ത ദി​വ​സ​ങ്ങ​ളി​ല്‍ സ്വ​ര്‍​ണ​വി​ല കു​റ​യു​ന്ന​താ​ണ് ക​ണ്ട​ത്. പ​വ​ന് ആ​യി​രം കു​റ​ഞ്ഞ ശേ​ഷം ക​ഴി​ഞ്ഞ ആ​ഴ്ച മു​ത​ലാ​ണ് സ്വ​ര്‍​ണ​വി​ല തി​രി​ച്ചു​ക​യ​റാ​ന്‍ തു​ട​ങ്ങി​യ​ത്.

ക​ഴി​ഞ്ഞ മാ​സ​ത്തി​ന്‍റെ തു​ട​ക്ക​ത്തി​ല്‍ 63,520 രൂ​പ​യാ​യി​രു​ന്നു സ്വ​ര്‍​ണ​വി​ല. ഒ​രു മാ​സ​ത്തി​നി​ടെ 4,960 രൂ​പ​യാ​ണ് വ​ര്‍​ധി​ച്ച​ത്. ക​ഴി​ഞ്ഞ ഒ​രാ​ഴ്ച​യ്ക്കി​ടെ മാ​ത്രം കൂ​ടി​യ​ത് 3,000 രൂ​പ​യാ​ണ്.

ജ​നു​വ​രി 22നാ​ണ് പ​വ​ന്‍ വി​ല ആ​ദ്യ​മാ​യി 60,000 ക​ട​ന്ന​ത്. 31ന് ​പ​വ​ന് ഒ​റ്റ​യ​ടി​ക്ക് 960 രൂ​പ ഉ​യ​ർ​ന്ന് 61,000 രൂ​പ​യെ​ന്ന പു​തി​യ ഉ​യ​രം താ​ണ്ടി.

ഫെ​ബ്രു​വ​രി ഒ​ന്നി​ന് ഒ​രു പ​വ​ന്‍ സ്വ​ര്‍​ണ​ത്തി​ന് 61,960 രൂ​പ​യാ​യി​രു​ന്നു വി​ല. നാ​ലി​ന് ഒ​റ്റ​യ​ടി​ക്ക് 840 രൂ​പ ഉ​യ​ർ​ന്ന് 62,000 രൂ​പ പി​ന്നി​ട്ടു. തൊ​ട്ടു​പി​ന്നാ​ലെ അ​ഞ്ചി​ന് 760 രൂ​പ ഉ​യ​ർ​ന്ന് 63,000 രൂ​പ​യും ക​ട​ന്നു. പി​ന്നീ​ട് 11ന് 640 ​രൂ​പ ഉ​യ​ർ​ന്ന് 64,000 രൂ​പ​യെ​ന്ന പു​തി​യ നാ​ഴി​ക​ക്ക​ല്ലും പി​ന്നി​ട്ടു.

മാ​ർ​ച്ച് ഒ​ന്നി​ന് പ​വ​ന് 63,440 രൂ​പ​യി​ലാ​ണ് വ്യാ​പാ​രം ആ​രം​ഭി​ച്ച​ത്. പി​ന്നീ​ട് ക​യ​റ്റി​റ​ക്ക​ങ്ങ​ൾ​ക്കൊ​ടു​വി​ൽ 14ന് 65,000 ​രൂ​പ​യും 18ന് 66,000 ​രൂ​പ​യും 31ന് 67,000 ​രൂ​പ​യും ഏ​പ്രി​ൽ ഒ​ന്നി​ന് 68,000 പി​ന്നി​ടു​ക​യാ​യി​രു​ന്നു.

ഓ​ഹ​രി വി​പ​ണി​യി​ലെ ച​ല​ന​ങ്ങ​ളും രാ​ജ്യാ​ന്ത​ര വി​പ​ണി​യി​ലെ മാ​റ്റ​ങ്ങ​ളു​മാ​ണ് വി​പ​ണി​യി​ല്‍ പ്ര​തി​ഫ​ലി​ക്കു​ന്ന​ത്. ക​ഴി​ഞ്ഞ​ദി​വ​സം കു​റി​ച്ച ഔ​ൺ​സി​ന് 3,149 ഡോ​ള​ർ എ​ന്ന റി​ക്കാ​ർ​ഡ് പ​ഴ​ങ്ക​ഥ​യാ​ക്കി രാ​ജ്യാ​ന്ത​ര​വി​ല 3,166.99 ഡോ​ള​ർ വ​രെ​യെ​ത്തി. പി​ന്നീ​ട് 3,120 ഡോ​ള​ർ നി​ല​വാ​ര​ത്തി​ലേ​ക്ക് താ​ഴ്ന്നെ​ങ്കി​ലും നി​ല​വി​ൽ വ്യാ​പാ​രം ചെ​യ്യു​ന്ന​ത് 3,148 ഡോ​ള​റി​ലാ​ണ്.

ഇ​ന്ത്യ ഉ​ൾ​പ്പെ​ടെ ലോ​ക​ത്തെ മി​ക്ക രാ​ജ്യ​ങ്ങ​ൾ​ക്കും​മേ​ൽ യു​എ​സ് പ്ര​സി‍​ഡ​ന്‍റ് ഡോ​ണ​ൾ​ഡ് ട്രം​പ് പ​ക​ര​ത്തി​നു​പ​ക​രം തീ​രു​വ ഏ​ർ​പ്പെ​ടു​ത്തി​യ​തോ​ടെ​യാ​ണ് സ്വ​ർ​ണ​വി​ല ക​ത്തി​ക്ക​യ​റി​യ​ത്. രൂ​പ​യു​ടെ ത​ള​ർ​ച്ച​യും ഇ​ന്ത്യ​യി​ൽ സ്വ​ർ​ണ​വി​ല വ​ർ​ധ​ന​യു​ടെ ആ​ക്കം​കൂ​ട്ടി.

അ​തേ​സ​മ​യം, വെ​ള്ളി​വി​ല ഗ്രാ​മി​ന് ര​ണ്ടു​രൂ​പ കു​റ​ഞ്ഞ് 110 രൂ​പ​യി​ലെ​ത്തി.